上海廳1930 (已結業)

爸爸在黃大仙返工，今日相約他去食晚飯，知道他喜歡食上海菜，正好黃大仙北館有間上海廳，一於帶他去食。餐廳就在地鐵出口旁的商場，門面寬敞大氣，店夠大，有大大小小不同的坐位組合，裝修帶有舊時年代的上海風，坐得非常舒適。店員好快送上熱茶及餐牌，茶位收$4。上海小籠包 $36食上海野重點當然是小籠包，新鮮熱辣，皮薄唔易爛，輕咬溢出濃湯肉汁。生煎包 $35同樣鮮製，最欣賞就係麵包底部好香脆，加上麵包質感好煙韌柔軟，唔粘牙，味道稍微較淡。砂鍋雲吞雞 $168雲吞雞鍋賣相好豐富，份量足，有半隻雞，湯奶白吸引，雲吞好大粒；二人份量都有點多，雞肉嫩滑入味，最喜歡雲吞皮薄餡靚。高力豆沙香蕉 $46粒粒脹卜卜大大粒很吸引的樣子，外面舖滿糖粉但不太甜，入口鬆軟汁潤，還有新鮮香蕉，整體不錯。