南小館 (已結業)

自從朋友帶我黎食之後，呢間野就差唔多變左我既飯堂咁濟，每次出街諗唔到食咩，而附近又有南小館，就一定會幫襯佢。南小館既價錢勝在夠平民化，價錢唔算太貴，每次黎食都唔使就住就住個餐牌點，可以試多幾樣唔同小菜。招牌生煎包 (4件)每次黎到必點既生煎包，肉質鮮，夠多汁，熱辣辣食更加不得了。廚師會將生煎包底煎得香脆，食第一啖果陣記得D熱汁，小心"辣"親個咀。鮮肉小籠包 (5件)小籠包同生煎包係我每次黎到南小館必點既鐵膽，皮薄多汁，筷指功力小D都好易穿。肉汁豐富，一咬開D湯汁就流出黎，記得用支湯匙兜住D湯汁。口水川雞第一次試點，同相像既有點唔同。醬汁夠濃，但係無咩味。雞夠嫩滑，可惜同個汁唔係好夾。一望個色咁紅以為會好辣，但係1D辣味都無，仲好似有少少甜。試過就夠酸辣湯有酸味，但係帶唔出辣既味道，料係好多，但係同好味差好遠既距離，佢只能算係一個酸湯，但絕對唔係酸辣湯，所以試過就夠。