鍋先生海鮮火鍋菜館 (已結業)

尋晚同朋友2個人，係尖沙咀行街，諗緊晚餐去邊食，朋友話帶我去食海鮮，小菜，我當然話好啦。立刻起行，去到位於山林道山林中心3樓，鍋先生海鮮火鍋菜館。上到去，環境唔錯，有VIP房，有卡位，有圓檯。一坐低就有侍應會埋黎問你飲咩茶，同埋仲有小食。原來呢到除左海鮮同小菜，仲有火鍋放題。今次目標係食海鮮，火鍋留番下次再試第一時間叫番2個小食，飲番2支啤酒先小食叫左個椒鹽鮮魷同鮮炸淮山即叫即炸，香口野味，但記得小心熱。之後就到今晚個主角“海鮮“今晚因為只得2個人，所以選擇左3樣海鮮第一樣，加拿大蚌（刺身）$1280,約2斤半重。第二樣，南非鮑魚（薑蔥）$75（隻）要左4隻第三樣，野生奄仔蟹（鹽焗）$400（隻）要左2隻。落完柯打，等左15分鐘左右，個加拿大蚌刺身就登場喇。好大盤刺身，好鮮甜，今次叫左個師傅切片，下次試下切條，口感應該會唔同。鮑魚煲味道唔錯，鮑魚又夠大隻。之後等左45分鐘，隻奄仔蟹終於上檯喇，隻蟹爆哂膏，真係冇得頂，蟹膏d鮮味一直留係個口入面，真係好滿足。埋單$3000有找，價錢方面唔算貴。下次可以搵多d人黎試下小菜同放題。