真心泰國菜館 (已結業)

係朗豪坊睇完戲，大商場餐廳開始人頭湧湧。近日天氣熱，朋友提議吃泰菜較開胃，原來有家係附近，落左地下行幾步就到，大廈較隱蔽，但上到去都已經有不少食客，幸好都唔使等位。店員帶我們入房，眼看房內有24坐位，成班朋友約來聚會都好似幾好。泰式串燒 (8/10)可以選2款味道，選了牛和豬，燒得很香，夠淋又很軟身，加上特色串燒醬，有好多花生，好香又有咬口。木瓜沙律 (7/10)十分足料，有很多蝦米及花生很香口。叫了小辣，很開胃。蝦醬通菜 (7/10)份量都幾多，蝦醬味不太濃，反而有炸香蒜頭，迎合香港大眾口味。泰式炒貴刁 (7/10)配料都齊全，蝦乾蝦仁豆腐乾，炒得不油，乾濕度剛剛好，Pad Thai 汁酸酸甜甜惹味開胃。紅毛丹冰 (8/10)帶點酸味，好醒胃，每粒紅毛丹內有一粒菠蘿仔，有心思。海底椰冰 (7/10)海底椰感覺滋潤清甜，嗜甜的應該會很喜歡。還有泰式甜品，為這一餐作完美句號。