金船長餐廳 (已結業)

友人話帶小妹見識大角咀最出名嘅pizza，等小妹睇下乜東東一坐底，舖面唔算好大，但每枱枱面總會有個三角形嘅物體，友人話呢個就係出名嘅黑松露pizza事不宜遲，睇下餐牌有咩好野，友人話一定要試呢度嘅牛扒，小妹就聽店員介紹，叫左個金獅魚先上個湯，小妹揀咗周打海鮮湯，呢個湯真係實而不華，一碗小小嘅湯入面有蝦，蜆，青囗同魷魚等海鮮，廚師唔會落大量忌廉營造香濃效果，反而係清清地，每飲一囗會有海鮮嘅清甜味主菜上場，小妹叫咗個法式焗紐西蘭金獅魚配西西里蕃茄汁呢個金獅魚經過烤焗令佢本身嘅魚油吸收左，無咁油膩，魚肉就比較滑身，表面有啲炸蒜蓉加麵包糠，炸得外脆內滑又無骨，配合西西里汁嘅酸甜，帶出魚香，岩晒香港地鐘意食又怕肥嘅女士，而跟餐揀嘅薯蓉亦好香滑，好似食緊cream咁，配合餐酒，完全帶出金獅魚嘅香滑！好嘞重頭戲係友人千呼萬喚定要黎食嘅 黑松露意式菌醬馬斯卡芝士夾心pizza上枱果下已經聞到嘅黑松露獨有嘅香氣，一個pizza三種食法！1)原味咩都唔落，食黑松露獨有香味，脆脆嘅表面舖滿芝士粉，內裡亦有好creamy嘅馬斯卡芝士，食落香氣四溢2)配自家特製提子醋，提子係大廚每日新鮮自己調配，佢嘅香甜可以解