Nutmad (已搬遷) 新店位置

今日又到觀塘工廈搵食，呢度只得星期五六先做晚市，所以專登訂枱過黎試由頭盤~粟米奶凍•蟹肉•菠蘿，湯~香料野菌湯•特色蕃茄，主菜~太平洋比目魚•脆薯•蘋果酒忌廉，甜品~糖蔥餅•椰香米布甸，廚師都好有心機編排製作，每上一度菜都好用心同客人介紹，食材新鮮，擺碟好靚，味道一流煙燻豬豬卡邦尼唔係平時食開好杰好膩個款，佢係乾身，配埋芝士脆片，煙肉，豬面肉，味道好夾，呢個味出面食唔到，不過晚市係沒有意粉的，朋友預先同餐廳講好想好想食佢既意粉先專登煮的😛晚市價錢比其他工廈餐廳貴，但咁用心同諗唔同元素去製造，呢份心機同堅持已經值回票價👍🏼