魚鱻魚湯專門店

營業中

休息中

假期食飯時間7pm經過見到唔駛等位，就入去食。一入去坐低睇餐牌，有位年近60歲四眼阿姐大大聲係度指住張細到睇唔到ge紙叫我拎返起個袋，佢地每個位30蚊。態度極為惡劣又大聲，咁我咪拎起個袋囉，跟住佢又指指點點叫我坐入一個位。我唔駛你服務我，不過唔駛講太多無謂野，我聽到佢對其他客都係咁。其實你有人行埋黎，我都一定拎返起個袋，但係果陣都唔爆，有冇必要咁講？重點是，到我埋單，都未有人坐……好啦，食物方面，叫左個招牌炸魚餅米線，好味已經唔係，仲何來招牌？個魚湯唔鮮，有味精，食完極口渴。以前食都要排隊排得幾勁，唔怪得而家唔駛排隊啦，凡事一定有因。我食隔離譚仔雲桂香好過。