韓川

營業中

休息中

今日食韓國菜，不過唔係烤肉係食串燒。去到旺角好容易就見到間餐廳，因為門口有一個好大嘅霓虹燈牌寫住「韓川」。我哋揀咗幾款串燒：七里香（雞尾）、羊肉、台灣腸、豬頸肉、雞中翼、墨魚咀、雞髀菇同埋韭菜，食串燒冇理由唔飲酒架，望到牆上面一幅幅嘅海報，Oh ! My God 🥰 孔劉！原來係孔劉啤，唔該半打！😂因為而家做緊優惠（$100/6支）咁抵無理由唔叫。我哋仲叫咗蒜蓉燒茄子、椒鹽雞翼尖嚟到送啤酒👍🏻最後我哋揀咗芝士蕃茄雜錦海鮮泡菜湯烏冬做壓軸，職員同我哋講，呢個湯烏冬係用咗三款芝士，所以會好濃嘅芝士味，我聽完之後好期待😍串燒 - 有三款沾醬（韓式辣醬、燒肉醬，蜂蜜芥末醬）喺香港應該好難食到燒七里香，所以我特登揀咗，食落口好似食雞髀肉咁，好香好好食，因為佢哋處理嗰雞尾嘅時候係用咗好多心機（拆骨、清潔等工序）羊肉唔騷，墨魚咀好大粒……蒜蓉燒茄子 - 唔會燒到個茄子好乾身，仲有啲水份，蒜蓉味好香，我想叫碗白飯嚟送飯😂椒鹽雞翼尖 - 呢個餸就真係一流而且佢揸到好香好趣有少少蒜蓉味，重點係一啲都唔油膩👍🏻芝士蕃茄雜錦海鮮泡菜湯烏冬 - 石鍋裝住烏冬啲湯仲滾，一夾係啲烏冬就呈現拉絲既芝士（心心眼出現😍）