影片
港鐵旺角站 E2 出口, 步行約4分鐘
繼續閱讀
電話號碼
57291199
開飯介紹
菜品多樣化的韓式餐廳，如燒肉、芝士系列、燒海鮮等，惹味之餘適合配襯不同類型的韓國酒，適合和三五好友把酒暢聚。
繼續閱讀
營業時間
今日營業
12:00 - 15:30
17:30 - 02:00
星期一至四
12:00 - 15:30
17:30 - 00:00
星期五至六
12:00 - 15:30
17:30 - 02:00
星期日
12:00 - 15:30
17:30 - 00:00
以上資料只供參考, 請與餐廳確認詳情
有關獎賞計劃
影片
相片
溫泉蛋虎蝦芝士湯烏冬
溫泉蛋虎蝦芝士湯烏冬
真露焗蜆
+3.2K
+176
食家推介
-
真露焗蜆
-
芝士熔岩炸雞
-
韓川菜包五花腩
-
燒韓國生蠔
-
溫泉蛋虎蝦芝士湯烏冬+22
韓川 Han Chuan📍韓川旺角通菜街27號地舖難得約到三位愛吃朋友，當然要揀一間坐得舒服，食物質素有返咁上下，仲要夠多選擇嘅餐廳大快朵頤一下。朋友們推介去旺角一間韓國餐廳食晚飯，因為餐廳出名抵食之餘仲有好多選擇。除一般嘅石鍋料理、燒肉、炸雞、炸物外，佢哋仲罕見地提供各類燒海鮮同串燒，果然夠晒多元化。 💰$568韓川二人套餐 👩🏻❤️👨🏻真露焗蜆 🐚韓國料理最出名配燒酒食，而最為人所知嘅燒酒莫過於真露。真露算係酒精含量較少嘅燒酒，一般大概20度左右。餐廳以真露焗煮蜆，既能夠帶出其鮮味，又能當作調味，只要加入蒜蓉同粉絲，就會完成大家爭住食嘅一道美味焗蜆。粉絲索滿真露微微嘅酒氣同蒜蓉嘅芬香，配上肥美焗蜆，正呀！蜜糖芥末炸雞 🍗蜜糖芥末醬唧滿喺炸雞堆上面，內有單骨雞翼10件同雞鎚4件。炸雞脆漿唔會過厚，即使上檯時早已淋滿蜜糖芥末醬，放涼後食炸雞依然脆口，十分驚喜。芝士年糕 🧀芝士年糕炸得金黃香口，外皮微Q，內餡拉絲芝士同軟糯嘅年糕相輔相成，食正餐前食件炸鹹點，最適合不過。一口芝士 🧀三角狀嘅炸芝士一口一粒，每口都有濃醇嘅芝士香氣，酥炸口感容易上癮，必食推介！韓川燒肉拼盤 🧆呢個燒肉拼盤有齊豚肉、雞扒同西冷，啱晒多人分享之餘，亦滿足到唔同人嘅飲食需要。三款燒肉燒得金香，上檯時會用熱盤呈上，配上生菜包同秘製燒肉醬、芥末醬、蒜片等，還原韓式燒肉風味。豚肉肥瘦相間，多汁肉嫩；雞扒肉滑皮脆，雞香十足；西冷肉質緊實，滿滿牛香。牛肋骨湯 🍲朋友們選擇韓式石鍋湯中最具人氣嘅牛肋骨湯，除牛肋骨外，仲配有粗身粉絲、大蔥、翠肉瓜粒粒同雜菇粒粒，食材非常豐富。熱湯味道濃郁，散發淡淡嘅牛香味，牛肋骨肉質軟嫩、富膠質，愛牛嘅朋友們都食得好滿足。餐牌上所有湯類均配白飯一碗，價錢由$68至$198不等，絕對係高性價比之選！ 💰$88/2隻芝士牛油燒帶子 🐚即點即燒嘅帶子多汁、口感唔乾柴，燒得恰到好處。連殼帶子表面鋪滿大量芝士，再加入牛油，拉絲芝士燒至半焦狀態，香氣撲鼻，非常好食。 💰$88/2隻鹽燒虎蝦 🦐四大隻鹽燒虎蝦燒得相當吸引，隻隻都長過我手掌，蝦頭膏非常甘甜，蝦肉亦非常爽口彈牙，果然新鮮食材以最簡單嘅方式烹調，已經可以帶出鮮味！ 💰$68韓式炸餃拼盤 🥟全場我最愛食嘅係炸餃拼盤，泡菜餃、粉絲餃同雞皮餃各有兩隻，每款炸餃外皮都炸得非常香脆，我鍾意泡菜餡嘅味道、粉絲餃嘅口感同雞皮餃嘅香氣，三款餃子都好啱我口味，無可挑剔！
繼續閱讀
🇰🇷親民價既韓國菜唔係當地先有，香港都一樣食到，女人街呢間韓國餐廳，抵食又好味，仲好crazy！大胃王嘅你一定挑戰以下呢個二人餐，真係十級豐富！精選生蠔二人餐🔥時令生蠔🦪（12隻）生蠔鮮脆爽口，帶點海水鹹鮮味，size比想像中大，口感質素唔錯！蜜糖芥末炸雞🍗（單骨雞翼10件、雞鎚四件）份量十足，炸雞外脆內軟，單骨雞翼食起嚟好方便，肉汁滿滿，媲美炸雞專門店！韓川燒肉拼盆🌟（豬/牛/雞）烤肉入味濃郁，配上秘製魔鬼辣椒醬，再加埋香蒜、洋蔥配料，用生菜包著食，口感爽脆豐富！韓式炸餃拼盤🥟包括有泡菜+粉絲+雞皮餃，冇諗過餃子都咁出色，外皮薄脆唔油膩，最鍾意雞皮餃香口有特色！鹽燒虎蝦🦐虎蝦燒得夠香，蝦肉彈牙爽甜，好高質！溫泉蛋帶子芝士湯烏冬🍲🧀巨型帶子被芝士重重包圍着，入口鹹香鮮味，溫泉蛋令湯底更濃郁順滑，食完都唔會覺得好漏！飲品🍶韓國米酒✨士多啤梨珍露✨食韓國菜想盡興啲，梗係要嘆埋米酒，成個套餐豐富多元化，肯定可以滿足大胃王嘅食慾，下次一定要叫多幾個朋友再嚟幫襯！
繼續閱讀
⍥ 韓川二人餐 ❙ $568·真露焗蜆重點除左係蜆之外，仲有墊底既蒜蓉粉絲😋又鮮又激蒜香，非常入味！不過略嫌鹹左丁丁🤏🏻·韓川燒肉拼盤 ❙ +$50有齊豬、牛、雞任君選擇😙其中最喜歡豬，點啲燒汁，生菜包住食，減膩又清新·芝土年糕3粒熱焫焫既炸物實唔會差，綿糯軟熟😚微微拉絲，令人興奮·一口芝士6粒一口一粒芝士波，鹹香得黎唔會膩，細細粒唔覺意就會食多左🤣·蜜糖芥末炸雞 ❙ +$20一向偏愛有骨既炸雞😌雞翼及雞鎚總共十幾件，雖然影相好一陣子但依然外脆內嫩，勁多肉汁好juicy😉蜜糖芥末醬非常惹味，我本人覺得必食～·牛肋骨湯配珍珠飯職員拎到埋黎啲香味衝入我鼻窿😘牛肋骨其實無骨，似牛腩多，肉質已經炆得非常軟稔，仲有唔少配菜，餸飯係無敵😍·韓國有汽特飲蜜桃味·韓國有汽特飲白葡萄味😆食完啲重口味既野，飲返罐有汽水果特飲鋸晒啦⍥ 單點：·鹽燒虎蝦（2隻） ❙ $88🤭虎蝦比我想像大隻，蝦殼好易剝，蝦肉又夠彈牙·芝士牛油燒帶子（2隻） ❙ $88呢個係不敗之作，帶子燒得岩岩好，輕易起肉，面頭海量芝士，好香好香🤤·韓式炸餃拼盤 ❙ $68拼盤岩晒貪心人士😏泡菜餃、粉絲餃、雞皮餃各兩隻，最得我歡心係雞皮餃！！炸到激脆🤓少少油膩感，不過好食就值！·鮮蘆薈汁 ❙ $18·2%蜜桃水 ❙ $18解膩兼透心涼，要飲返罐冰凍飲品先岩數🤪
繼續閱讀
喺烏冬湯麵入面見到有頭髮 同個戴眼鏡嘅男店員反映攞走左碗麵 隔幾分鐘後 乜都無講 就淨係攞返同一碗加左少少湯嘅麵出來嗌買單（同樣店員）好多次之後先講話喺出面買單竟然打算收返我全數（果碗湯麵食左兩淡就見到頭髮 之後就無再食）然後仲同我講話果個唔係頭髮 而係帶子嘅殼甩出來嘅？？？如果係真 咁點解唔喺攞返碗麵上來嘅時候解釋返？叫佢退返碗烏冬嘅錢 竟然唸住話「呢個我決定唔到」就算數要去到我demand佢同其他同事傾下 搵左另一位同事先肯退返碗烏冬嘅錢食物入面見到頭髮係一回事 但個店員真係太卸膊態度又差麻煩老細留意返員工嘅培訓
繼續閱讀
當日係同男朋友慶祝拍拖半年既日子，之前就係社交平台見過呢間餐廳既芝士熔岩炸雞，一直都未有機會試。今次終於有機會啦。整體嚟講，都算係一間唔錯既韓式餐廳。當晚3個人去食，我同男朋友叫左一個韓川2人套餐，媽媽就叫左一個雜菜石鍋伴飯食（最開心係餐牌有一個素菜飯）我同男朋友都食到超飽，仲要打包幾件炸雞第2日帶飯。整個2人餐包括以下：1.真露焗蜆2. 韓川燒肉拼盤（豬+牛加+雞）3. 芝士年糕（3件）4.一口芝士（6件）5.牛肋骨湯配珍珠飯除左叫一個2人餐，我地另外再加錢叫左一個芝士熔岩炸雞至於媽媽食既就係雜菜石鍋伴飯
繼續閱讀