昼月

營業中

休息中

𓋜高質日本料理同舒服環境氣氛係朋友聚會入面缺一不可嘅原素，如果再開心啲，有埋清酒放題又點睇𓎤 位於銅鑼灣嘅 昼月𓋜喺鬧市中自成一角，而家做緊大割引，任何時段3小時清酒放題只需$88，清酒種類多達35款！而星期六至二仲有串燒買一送一優惠，無理由唔黎試下✦梭子魚刺身梭子魚刺身嘅魚皮經輕輕炙燒，再分厚切同薄切兩食，本身魚肉嘅油分較少，魚嘅鮮味會較為突出，而魚皮嘅豐富油脂經炙燒後又會突顯出油香，厚切同薄切唔止係口感輕重嘅分別，仲有由油脂平衡帶黎味道上嘅分別，以梭子魚刺身黎打開今晚嘅序幕係好好嘅開始✦時令生蠔生蠔肥美甘甜，口感清爽，配上調配過嘅醬汁同香葱食落超滿足！✦沖繩苦瓜漬沖繩嘅苦瓜甘而不苦，透徹薄片切法令苦瓜食落非常爽口，經日本醋醃漬後，味道帶天然醋酸味，好開胃✦汁燒免治雞棒佈滿惹味燒汁嘅免治雞肉棒外皮燒得微脆，加上雞軟骨碎帶黎嘅微妙口感，非常之下酒✦燒大葱雞肉串雞肉好入味，肉質嫩滑，同大葱加埋係絕配✦汁燒豆腐去親居酒屋都好鍾意試佢嘅燒豆腐，呢度嘅汁燒豆腐絕對係水準以上，咬開燒得香脆嘅外層係嫩綿吸汁嘅豆腐，令人回味✦赤貝刺身✦真鯛壽司、左口魚邊壽司、間八壽司、帆立貝壽司刺身同壽司整體上都好