影片
更多
2016-09-14
1943 瀏覽
7-9-2016 (Wed)公司高層請我o地食飯,我o地一共14人,今次俾o既枱都係o係上次o黎食o個間房入面,枱同上次o個張一樣大,但今次迫啲,可能大隻o既男人多啦.我o地叫o左:1. 蘿蔔千絲酥一碟四件,我同女同事CY share一件,外面都脆脆地,但冇乜蘿蔔味.味道: 2 分2. 招牌叉燒經過上次食香茅黑椒叉燒o既經驗,覺得叉燒應該好食,果然,佢係半肥瘦, 口感鬆軟,蜜味好夠,而且有少少燶脆位,真係好好味.味道: 5分3. 金錢肚顏色係正常,但食落偏甜,係咪將糖當鹽?o徙晒佢o既夠腍o既口感.味道: 1分4. 唔知咩炒飯有約一個一蚊咁大o既帶子,飯粒同上次一樣分明但偏乾硬,調味就冇問題.味道: 2.7分5. 馬拉糕呢o度o既馬拉糕係啡色o既,唔太甜,幾鬆,OK.味道: 3分6. 豉汁鳳爪我冇食鳳爪,但食墊底o既南瓜,呢個唔鹹,普通.味道: 3分7. 蝦餃同上次一樣,大大隻,內裡有好多蝦仁,爽,好味.味道: 5分8. 椒鹽鮮魷今次冇味,要醮唔酸o既喼汁食,不過佢係脆,又o徒晒.味道: 2分9. 味菜火鴨絲鴛鴦米原以為係炆米,但男同事WC夾起時,發覺下面有粉絲,真鬼祟.我都試吓,呢個
我o地叫o左:
1. 蘿蔔千絲酥
一碟四件,我同女同事CY share一件,外面都脆脆地,但冇乜蘿蔔味.
味道: 2 分
2. 招牌叉燒
經過上次食香茅黑椒叉燒o既經驗,覺得叉燒應該好食,果然,佢係半肥瘦, 口感鬆軟,蜜味好夠,而且有少少燶脆位,真係好好味.
味道: 5分
3. 金錢肚
顏色係正常,但食落偏甜,係咪將糖當鹽?o徙晒佢o既夠腍o既口感.
味道: 1分
4. 唔知咩炒飯
有約一個一蚊咁大o既帶子,飯粒同上次一樣分明但偏乾硬,調味就冇問題.
味道: 2.7分
5. 馬拉糕
呢o度o既馬拉糕係啡色o既,唔太甜,幾鬆,OK.
味道: 3分
6. 豉汁鳳爪
我冇食鳳爪,但食墊底o既南瓜,呢個唔鹹,普通.
味道: 3分
7. 蝦餃
同上次一樣,大大隻,內裡有好多蝦仁,爽,好味.
味道: 5分
8. 椒鹽鮮魷
今次冇味,要醮唔酸o既喼汁食,不過佢係脆,又o徒晒.
味道: 2分
9. 味菜火鴨絲鴛鴦米
原以為係炆米,但男同事WC夾起時,發覺下面有粉絲,真鬼祟.我都試吓,呢個幾好味o既.
味道:4 分
10. 煎蘿蔔糕
又同上次一樣,細件同唔太夠味,亦冇煎到香脆.
味道: 2分
11. 牛肉球
做到同80年代一樣咁大粒,口感鬆軟,正常.
味道:3 分
12. 雞紮
亦同上次一樣,大大個,內裡有蟹柳,冬菇同鮑片,我食o左腐皮同冬菇,都係冇問題呢.
味道: 3.3分
13. 唔知咩肉碎炒四季豆
女同事CY話好食,我盲食吓啦,仍係好爽口,但味道我覺得有啲怪,可能係我自己唔鍾意o既味道o掛.
味道: 2分
14. $18.00一個o既壽包
女同事CP食唔晒一個,我就同佢share,佢掰開一半,原來裡面有成個鹹蛋黃,我覺得怪怪的,佢唔食俾我食.我先食佢,唔多夠油幾乾,壽包本身熱騰騰,但食到個蛋黃中間竟然重係凍o既.
而蓮蓉就唔太甜,但冇蓮蓉香味,一般吧.
味道: 1分
15. 芝士餅
成張枱等我一個食,細細件,芝士同餅底厚度相若,大概有1厘米.芝士味道唔濃,口感正常;餅底幾硬吓,但超鹹,我只食晒面上o既芝士.
味道: 1分
我冇食o既有:
咸水角, 燒腩仔, 蝦腸,牛肉腸,沙薑雞腳,排骨,燒賣
服務:
我o地落o左單後,等好耐至有o野食,而一間房有兩張大枱,入單o個位入錯枱號,攪到o野食走o黎走去,亞姐重成日話好亂.
埋單要check清楚單,真係會落多o左,就連最後叫甜品都係.
價錢:
唔知幾錢,不過好似話每位大約$100.00.
張貼