影片
更多
2005-07-02
3 瀏覽
睇完頭文字D 八點幾, 周圍搵食, 度度排長龍. 一於拎左位先, 去Starbucks 整杯iced latte, 成九點先上返o黎. 因為唔食生野, 又唔想食煎炸野, 怕燒魚乾同"鞋", 又唔想食烏冬, 所以選擇唔多. 叫北海道味噌拉麵, 帆立貝牛油燒, 同一個唔記得左咩豆腐(一粒粒丸狀物體), 不過最後呢個賣晒, 於是叫芝士豆腐扒, 又賣晒, 於是叫咩鱈魚芋餅燒.先o黎帆立貝牛油燒, 原來o係俾個爐你即場燒, 三舊細細o既春, 四舊細細o既帶子肉, 加d裙, 兩片牛油. 真o係要由佢燒都差唔多乾先好食, 若果唔係就會唔夠熟, 食落會腥. 牛油幾香, 帶子肉燒得texture o岩o岩好, 不過味道就一般. 個拉麵成七十蚊, 標準大碗, 個湯算叫做唔太肥膩, 唔太濃味, 拉麵唔o係好彈但絕對合格, 好多芽菜同海帶, 其餘就只有粟米同碎豬肉...好似貴左d. 咩鱈魚芋餅燒, 好得意, 食落皮煙韌而肉質白雪雪似枕頭o既乳膠, 唔識形容, 但唔熱, 同埋越食越咸, 越食越滯, 有魚(腥)味, 冇"芋"味. 最後比呢個菜搞到冇胃口食甜品. 不過三個dish 加一都成差唔多兩舊水, 幾貴, 好
先o黎帆立貝牛油燒, 原來o係俾個爐你即場燒, 三舊細細o既春, 四舊細細o既帶子肉, 加d裙, 兩片牛油. 真o係要由佢燒都差唔多乾先好食, 若果唔係就會唔夠熟, 食落會腥. 牛油幾香, 帶子肉燒得texture o岩o岩好, 不過味道就一般. 個拉麵成七十蚊, 標準大碗, 個湯算叫做唔太肥膩, 唔太濃味, 拉麵唔o係好彈但絕對合格, 好多芽菜同海帶, 其餘就只有粟米同碎豬肉...好似貴左d. 咩鱈魚芋餅燒, 好得意, 食落皮煙韌而肉質白雪雪似枕頭o既乳膠, 唔識形容, 但唔熱, 同埋越食越咸, 越食越滯, 有魚(腥)味, 冇"芋"味. 最後比呢個菜搞到冇胃口食甜品. 不過三個dish 加一都成差唔多兩舊水, 幾貴, 好彩今餐有人請, 真o係多謝晒你呀!!
環境幾好, 三個人坐六人檯, 因為去到果陣唔少客已經離開, 唔嘈, 好適合傾偈, 我地坐到差唔多全場走晒. 服務都ok, 最鐘意佢地o既大大杯熱茶.
張貼