影片
更多
2024-06-27
515 瀏覽
最近又有新嘅米線舖頭進軍香港，源自重慶嘅曾三仙米線係大陸連鎖店，分店超過1000間，依家佢哋就進駐太子開設佢哋香港嘅第一間分店啦~佢哋用上自家獨特大骨湯底作為基調下有清湯；泡椒；加上酸菜，胡辣椒嘅四仙；蕃茄；滕椒；冒烤鴨湯；特辣嘅特色火鍋米線等等，咁多款緊有一款啱你口味。我哋分別要咗三仙泡椒米線，泡椒湯底唔係噴火式嘅辣，係帶點點後勁比較温柔可以飲嘅湯底。三仙配料入面有木耳，黃花（金針），蟲草花，鵪鶉蛋，午餐肉肉絲，蕃茄，竹苼，豬肝。其實淨係三仙已經十分豐富，不過見到好多人推介嘅腰花就追加咗。真係無加錯，腰花無腥味，口感爽脆唔鞋，鍾意食內臟嘅一定要加 （反而豬肝就無腰花咁吸引）。蕃茄蝦滑米線加咗炸蛋同炸腐竹片，唔辣嘅蕃茄湯底配合索湯又鬆脆嘅炸蛋好夾🐣呢款平時都淨係得臭爆螺螄粉店先有，依家終於唔洗臭住到食到，開心。同埋蝦滑鮮味彈牙，唔係間間米線舖都有都好有特色~小食叫咗聽都未聽過嘅豆腐泡，原來係一個炸到表皮好香脆有啲似唔臭版嘅港式臭豆腐；同埋糍粑油條嚟做甜品，煙靭嘅糍粑夾係香脆嘅油條入面，面頭灑咗芝麻糖粉，竟然唔會好甜，細細舊夠頂癮。呢度嘅特色飲品都🥥平時一般嘅好唔同，有清爽嘅馬蹄椰子水，
佢哋用上自家獨特大骨湯底作為基調下有清湯；泡椒；加上酸菜，胡辣椒嘅四仙；蕃茄；滕椒；冒烤鴨湯；特辣嘅特色火鍋米線等等，咁多款緊有一款啱你口味。
我哋分別要咗三仙泡椒米線，泡椒湯底唔係噴火式嘅辣，係帶點點後勁比較温柔可以飲嘅湯底。三仙配料入面有木耳，黃花（金針），蟲草花，鵪鶉蛋，午餐肉肉絲，蕃茄，竹苼，豬肝。
其實淨係三仙已經十分豐富，不過見到好多人推介嘅腰花就追加咗。真係無加錯，腰花無腥味，口感爽脆唔鞋，鍾意食內臟嘅一定要加 （反而豬肝就無腰花咁吸引）。
蕃茄蝦滑米線加咗炸蛋同炸腐竹片，唔辣嘅蕃茄湯底配合索湯又鬆脆嘅炸蛋好夾🐣
呢款平時都淨係得臭爆螺螄粉店先有，依家終於唔洗臭住到食到，開心。同埋蝦滑鮮味彈牙，唔係間間米線舖都有都好有特色~
小食叫咗聽都未聽過嘅豆腐泡，原來係一個炸到表皮好香脆有啲似唔臭版嘅港式臭豆腐；同埋糍粑油條嚟做甜品，煙靭嘅糍粑夾係香脆嘅油條入面，面頭灑咗芝麻糖粉，竟然唔會好甜，細細舊夠頂癮。
呢度嘅特色飲品都🥥平時一般嘅好唔同，有清爽嘅馬蹄椰子水，椰子怪魔表示大激賞，椰子水清新唔膩同米線竟然會咁夾，而且超適合依家嘅天氣！百香茉莉茶清新甜美入面仲有Q彈嘅椰果粒，不錯
張貼
