翠河餐廳 (已結業)

星期日外出食晚飯，三人行於18:30到達食肆，可能係星期日，人流特別多，幾乎坐滿人。左看右看餐牌，好多選擇，最後選擇了二人餐。🥢招牌麻辣雞煲🥘賣相唔錯，味道都多層次，配料味道足夠，可惜雞肉肉質較韌，而且唔多入味。🥢翠河小炒皇🧆好大碟，韮菜炒得恰當好處，唔會老。🥢梅菜蒸鯇魚尾🐟即叫即蒸，等候了20分鐘，好大條魚，魚肉質鮮嫩，蒸得剛好，甜梅菜送飯一流。原本送例湯，可惜原來未夠7點就已送完即止。沒想到二人份量都好多，夠三人食量。