影片
牛肉+生鸡蛋+番茄🍅还是很懂我的嘛窝蛋免治牛肉饭 一上桌就很震撼，红润的肉酱和蛋液发出金色的光💫，浓郁的番茄味让牛肉和鸡蛋变得更加醇厚。虽然不知道是不是可生食的鸡蛋🥚，但增添了很多滑嫩的口感例汤 主打一个免费💰，虽然做的有点油腻，但味道也还行‼️他家都做的口味偏重还有点油哦
繼續閱讀
星期日外出食晚飯，三人行於18:30到達食肆，可能係星期日，人流特別多，幾乎坐滿人。左看右看餐牌，好多選擇，最後選擇了二人餐。🥢招牌麻辣雞煲🥘賣相唔錯，味道都多層次，配料味道足夠，可惜雞肉肉質較韌，而且唔多入味。🥢翠河小炒皇🧆好大碟，韮菜炒得恰當好處，唔會老。🥢梅菜蒸鯇魚尾🐟即叫即蒸，等候了20分鐘，好大條魚，魚肉質鮮嫩，蒸得剛好，甜梅菜送飯一流。原本送例湯，可惜原來未夠7點就已送完即止。沒想到二人份量都好多，夠三人食量。
繼續閱讀
夜晚諗住一家四口去食晚飯，問門口個收銀使唔使拎飛，佢話唔洗，入去隨便坐得架啦，咁我地咪入去揀張6人枱坐囉。跟住住左一陣，有一行6人大媽行入黎，指住我地問你地幾多人架，4個人就坐隔離枱啦，我地要坐呢度到，咁我地咪話個收銀話唔洗拎飛自己入黎隨便坐架wo,啲大媽們死都要坐呢度，個收銀見形勢唔對路就講大話，話咩呀，我冇講過架，要拎飛入黎架。個下真係火都黎，最後我地走人，唔食佢，好似好把閉咁，鬼唔望佢快啲執，呢啲咁既態度。
繼續閱讀
幾年都冇去過秀茂坪，咁啱去附近睇牙醫，原本諗住去商場裏面嘅酒樓打個邊爐， 諗諗下啱啱先至睇完牙醫🫣係咪應該畀啲牙多啲休息下呢 🤪見到呢間翠河茶餐廳有素食所以就決定入去簡簡單單食一餐 健健康康清下腸胃🤩翠河餐廳嘅分店很多 ，大概都有二十間， 以食物價錢大眾化和選擇多為主導。今次叫咗兩個🥦素食飯試下1. 北菇豆腐飯$50呢個飯可能咁啱同是日晚餐嘅雙菇豆腐飯...撞咗樣, 所以我相信都係 一樣嘅料一樣嘅飯😂所以我相信廚師簡單起見🤣北菇變咗雙菇, 不過茶餐廳唔好咁高要求照食啦!豆腐新鮮,外皮炸過靭靭地, 有冬菇秀珍菇, 同埋幾條菜份量正常,白飯不會太硬或者太諗大大碟夠曬飽2. 涼瓜菜脯粒煎蛋飯$53煎蛋接近完全覆蓋飯表面, 賣相吸引, 煎得唔會太燶亦都唔太油, 略嫌涼瓜比較少, 白飯都係大大碟兩個都包例湯😝但係唔記得影相當晚例湯係青紅蘿蔔瘦肉湯, 湯入面都有小小細粒嘅青紅蘿蔔,正常發揮冇乜特別
繼續閱讀
今晚母親大人唔想煮飯，行經翠河見抗疫餐40蚊平平地，買左豉椒涼瓜肉片飯同京都肉排飯一開始試豉椒涼瓜肉片，超淡，苦瓜未完全熟有青涩之感，肉片係淡而無味既豉椒汁中透出一陣陳久既雪味，簡直冇得頂！回看京都肉排，汁算正常既甜酸汁，但一咬落肉排，咦？點解有咖哩味既？？撥開一睇，原來甜酸汁殼既底下係用咖喱料醃過既肉排，到底係師傅覺得昨日既咖喱肉排用唔晒可惜，定臨炸之時靈感大發，以迅雷不及掩耳之勢滑過咖喱汁？原因不得而知，但個口感先甜後喱，兩者交織之下竟出現一種混沌之勢🤣若然大家要打大佬，不妨可以體驗下，相當有趣！
繼續閱讀