90s Lazy (已結業)

閒逛荃灣千色匯時，被一間餐廳名叫90s Lazy 吸引了入去，餐廳走復古日式咖啡室風格，好舒服和休閒。一入餐廳，年青有活力嘅服務員就殷勤地招呼我哋，絕對唔Lazy。

2

8

晚餐：
美國安格斯肉眼扒晚餐，包餐湯和餐飲（可以半價轉其他特飲）。牛扒很大塊，足足有10安士，而且用我最鍾意嘅燒烤形式烹調，火候控制得剛剛好，內裏肉質微紅，夠晒Juicy。配菜還有香烤過嘅翠玉瓜、薯仔和蘿蔔，食落唔會太乾身，估唔到配菜都咁好味。

餐湯熱辣辣，味道濃郁，真係飲到一滴不留。

鵝肝牛肝菌意大利飯：
法國鵝肝好厚身，外層煎得香脆，內裏嫩滑。個意大利飯都煮得好好，粒粒分明，有咬口，將鵝肝嘅油香和牛肝菌濃郁嘅味道完全吸收，味道超豐富的。

香辣炸雞翼
脆炸得熱騰騰香噴噴，肉地好嫩滑，誠意十足地配上色彩繽紛的沙律菜。

菠蘿夏日茉莉花茶
清純嘅茉莉花茶跟菠蘿嘅味道原來好匹配，味道清新，有消滯嘅感覺，還有一粒粒新鮮嘅菠蘿可以食，誠意十足。