味苑 (已結業)

喺灣仔想食中菜，但係又唔想食一啲比較集團式嘅酒家，想試下新野，所以嗰日我哋去咗味苑食晚飯。金蒜銀絲蒸元貝，粉絲嘅數量甚多，而且非常之滑和幼身，一啲都唔硬。元貝係半生熟，一啲都唔un，重點是唔會起絲，我覺得個蒜蓉味都算幾香濃。蝦球翠花枝，翠玉瓜嘅水分充足而且都幾好食，蝦球嘅口感非常之爽口同埋陣牙，不失為一個小菜嘅好推介。脆皮燒乳鴿＄78外表嘅色澤唔錯，燒得幾好，乳鴿嘅味道比較濃郁，唔係個個都接受到，因為有少少豬肝嘅味道。可以話係啖啖肉，熱辣辣的時候是最好吃的！！like and share有免費葡萄冬瓜一客，超好食。像真度極高，葡萄味重。價錢適宜，而且款式都算多，亦都有2人餐四人餐提供，侍應不時會添水，服務態度不錯呢！下次再來。