影片
更多
2022-01-29
1477 瀏覽
自己一路都好鍾意去唔同地方試新野，今次食嘅呢間係一間墨西哥餐廳。平時經過都冇乜點留意，但今日由於有多啲時間，所以就想去搵一個地方坐下，就諗起呢間餐廳。餐廳嘅碗碟擺設亦都係中上水平西餐廳嘅程度，店員服務嘅態度亦都非常好。我自己就好鍾意去試餐廳嘅湯，打開個餐牌之後，亦都忍唔住要試一試佢嘅蘑菇卡布奇諾；平視我哋講卡布奇諾，都係講緊飲咖啡，但係佢嘅湯都將自己比喻成卡布奇諾，我就會想像佢係好Creamy。嚟到嘅時候大開眼界，因為店員係先將一個空嘅碗放喺我枱面，然後將一個新鮮整成嘅忌廉蘑菇湯喺我面前注滿，而且非常豐富。再之後，我試左呢度嘅墨西哥粟米片，佢仲有埋唔同嘅醬料可以俾我選擇，我自己特別欣賞嘅係佢將粟米片整到好似意粉咁樣，有齊好多款唔同嘅醬汁，好似一個pasta一樣。佢另外亦都有好豐富嘅吞拿魚，係幾好食。佢呢度嘅雞尾酒亦都非常出色，我自己就膽粗粗，試咗佢呢個Lady Boy，起初我都覺得非常新奇，但當嚟到之後就真係好新奇，因為佢成杯都係類似冬陰功嘅味道，係辣嘅，我覺得喜歡新野嘅朋友都可以試一試。喺呢個時候，我就梗係要點返另外一杯Sparkling Marmalade，呢杯係甜嘅，而且亦都好重
餐廳嘅碗碟擺設亦都係中上水平西餐廳嘅程度，店員服務嘅態度亦都非常好。
我自己就好鍾意去試餐廳嘅湯，打開個餐牌之後，亦都忍唔住要試一試佢嘅蘑菇卡布奇諾；平視我哋講卡布奇諾，都係講緊飲咖啡，但係佢嘅湯都將自己比喻成卡布奇諾，我就會想像佢係好Creamy。
嚟到嘅時候大開眼界，因為店員係先將一個空嘅碗放喺我枱面，然後將一個新鮮整成嘅忌廉蘑菇湯喺我面前注滿，而且非常豐富。
再之後，我試左呢度嘅墨西哥粟米片，佢仲有埋唔同嘅醬料可以俾我選擇，我自己特別欣賞嘅係佢將粟米片整到好似意粉咁樣，有齊好多款唔同嘅醬汁，好似一個pasta一樣。
佢另外亦都有好豐富嘅吞拿魚，係幾好食。
佢呢度嘅雞尾酒亦都非常出色，我自己就膽粗粗，試咗佢呢個Lady Boy，起初我都覺得非常新奇，但當嚟到之後就真係好新奇，因為佢成杯都係類似冬陰功嘅味道，係辣嘅，我覺得喜歡新野嘅朋友都可以試一試。
喺呢個時候，我就梗係要點返另外一杯Sparkling Marmalade，呢杯係甜嘅，而且亦都好重果香味，好Fresh。
張貼
