影片
更多
2013-03-30
9961 瀏覽
今次Gathering係幫一個就黎要走既老師farewell。但同學們都分散到天南地北，今個星期又落雨落到傻左，所以到聚會既前一晚先搵cafe，係非常之頭痛。但係好好彩係OpenRice搵到Nardo's Cafe.老闆娘非常nice，知道我地一班成23個人，又要每個同學都ok先可以訂，即時WhatsApp左個2set menu同地點比我地，加上可以有間房玩，結果book左7點半。到左Gathering果日，老闆娘都好細心係WhatsApp到問下我有無加減人，怕d食物唔夠，更估唔到可以比我地早d上去，所以cafe做野真係幾快。（話說在訂座果日，中午時間房都有一場）所以7點3到上左去，覺得間cafe都係乾淨舒服，房入面有2部電視,所以可以一邊玩wii，一邊睇tvb XD.老闆娘比左幾種唔同凍飲我地,而且不時入房refill，cafe出面有好多遊戲玩，大富翁，掘金，畫畫，三國殺等等，基本上你諗得到既都有。因為有d同學仔遲黎，所以搞到8點幾先比較齊人上菜。我地揀左＄138 果set menu，頭盤有沙拉，小食有炸春卷、咖哩角、餃子、雞翼同麥樂雞，主菜有肉醬意粉、忌廉長通粉同意大利飯。基本上食
但同學們都分散到天南地北，今個星期又落雨落到傻左，
所以到聚會既前一晚先搵cafe，係非常之頭痛。
但係好好彩係OpenRice搵到Nardo's Cafe.
老闆娘非常nice，知道我地一班成23個人，又要每個同學都ok先可以訂，
即時WhatsApp左個2set menu同地點比我地，
加上可以有間房玩，結果book左7點半。
到左Gathering果日，
老闆娘都好細心係WhatsApp到問下我有無加減人，怕d食物唔夠，
更估唔到可以比我地早d上去，所以cafe做野真係幾快。
（話說在訂座果日，中午時間房都有一場）
所以7點3到上左去，覺得間cafe都係乾淨舒服，
房入面有2部電視,所以可以一邊玩wii，一邊睇tvb XD.
老闆娘比左幾種唔同凍飲我地,而且不時入房refill，
cafe出面有好多遊戲玩，大富翁，掘金，畫畫，三國殺等等，
基本上你諗得到既都有。
因為有d同學仔遲黎，所以搞到8點幾先比較齊人上菜。
我地揀左＄138 果set menu，
頭盤有沙拉，小食有炸春卷、咖哩角、餃子、雞翼同麥樂雞，
主菜有肉醬意粉、忌廉長通粉同意大利飯。
基本上食物都好合我地既胃口，樣樣都好食，
最推介係餃子同意大利飯，係得到成班同學既好評！
份量方面，原本係非常之擔心，
因為我班既男生都係大胃王，所以係book既時候都有問下，
而老闆娘真係好好，講話會睇我地有幾多男生再去加多d比我地，
所以奇蹟地個個同學都食飽飽,
而且我地可以玩到12點，真係好抵！
我地走時因為想影一影張團體相，但係房唔係太方便，想出去房外影，
點知個員工唔單止無唔耐煩，重幫我地搞好d檯，幫我地影相，
真係貼心到爆！！！sooooo sweet
基本上cafe的服務真係好好，
老闆娘真係好貼心，
除左野飲方面真係太甜之外，
係一間幾好既cafe
張貼