金記冰室 (已結業)

今日慶祝家人生日，因為我地成家人都好鍾意食海鮮，之前有朋友介紹話金記冰室既加工唔錯，咁就去試一試啦！首先要去楊屋道街市買海鮮，好多人呀！但楊屋道既海鮮都唔算貴，買左瀨尿蝦，聖子，大蝦，扇貝，蜆同埋蟹，埋單千四蚊有找。。去到餐廳，職員用兩張方枱合埋加一張圓枱板比我地一行六人，之後屋企人仲買左白酒同蛋糕，職員仲好好即刻幫我地雪住蛋糕同整個冰桶比我地鎮住d酒！人齊起菜，椒鹽瀨尿蝦，豉椒炒蜆，豉油王大蝦，蒜蓉粉絲蒸帶子同聖子，清蒸蟹。。最後再加左個白灼菜心，加工既味道樣樣都真係幾好，反而個菜令人失望，菜心好老不特止，講左白灼但出黎成碟都係油🙄🙄但好在職員既服務搭救加分，幫我地執哂枱就上蛋糕，值得一提餐廳不收開瓶切餅費，加分！可以 encore！