影片
更多
2023-01-08
246 瀏覽
瀛鍋琴日夜晚去咗宋王臺站搵嘢食，九龍城出名多嘢食，之前未有地鐵輪椅人士真係好難去到九龍城，通車咁耐都係第一次去九龍城食嘢！我最後去左瀛鍋試下打個港式邊爐，呢間邊爐餐廳主打有機同海鮮刺身等，同埋好多自家製食物同飲品，2至30人仲可以包私人房，間餐廳有8間私人房，有大中細房任你揀，比你可以喺間房食住野任叫任吹水都唔洗驚嘈到人！呢間門口都係有嵌入式斜台，今次唔洗出動我塊斜板，店員仲話佢哋開店已經有12年，最近先啱啱裝修完，連廁所都好大入到輪椅，絕對方便輪椅人士嚟呢度打邊爐！1.正宗川麻辣鍋$188（8/10）呢個麻辣鍋有豬皮、筍尖、豬紅同埋有大量辣椒， 呢個麻辣湯底唔算好辣，豬皮索哂麻辣汁，勁好食！2.牛爽白肉+ 脆鯇魚片＄188（9/10）問過店員，牛爽白肉即係牛胸口肋骨內筋膜類肌肉嘅軟組織，含豐富骨膠原，入口好爽脆！脆鯇魚片切得好薄，夾一塊去碌，碌碌下變兩塊好薄嘅鯇魚片，刀功非常利害，好爽好食！👍👍3.手特濃盛盒+手切霜肥牛（細）$368（8/10）盛盒入面刺身有北寄貝、三文魚、希靈魚同紋甲魷魚。全部都好新鮮，特別要讚一讚係紋甲魷魚好爽，喺魷魚表面開反轉變成似朵花，中間仲放咁蟹子，好正
琴日夜晚去咗宋王臺站搵嘢食，九龍城出名多嘢食，之前未有地鐵輪椅人士真係好難去到九龍城，通車咁耐都係第一次去九龍城食嘢！
我最後去左瀛鍋試下打個港式邊爐，呢間邊爐餐廳主打有機同海鮮刺身等，同埋好多自家製食物同飲品，2至30人仲可以包私人房，間餐廳有8間私人房，有大中細房任你揀，比你可以喺間房食住野任叫任吹水都唔洗驚嘈到人！
呢間門口都係有嵌入式斜台，今次唔洗出動我塊斜板，店員仲話佢哋開店已經有12年，最近先啱啱裝修完，連廁所都好大入到輪椅，絕對方便輪椅人士嚟呢度打邊爐！
1.正宗川麻辣鍋$188（8/10）
呢個麻辣鍋有豬皮、筍尖、豬紅同埋有大量辣椒， 呢個麻辣湯底唔算好辣，豬皮索哂麻辣汁，勁好食！
2.牛爽白肉+ 脆鯇魚片＄188（9/10）
問過店員，牛爽白肉即係牛胸口肋骨內筋膜類肌肉嘅軟組織，含豐富骨膠原，入口好爽脆！
脆鯇魚片切得好薄，夾一塊去碌，碌碌下變兩塊好薄嘅鯇魚片，刀功非常利害，好爽好食！👍👍
3.手特濃盛盒+手切霜肥牛（細）$368（8/10）
盛盒入面刺身有北寄貝、三文魚、希靈魚同紋甲魷魚。全部都好新鮮，特別要讚一讚係紋甲魷魚好爽，喺魷魚表面開反轉變成似朵花，中間仲放咁蟹子，好正！😋😋
4.酥炸韭菜餃$78（8/10）
一碟有8舊，入面有豬肉同韭菜，炸得好脆！
5.手打鮮肥牛粗丸$58（9/10）
呢度肥牛粗丸爽口彈牙，好有牛肉味！
6.鮮蝦水餃皇 每隻$12（8/10）
呢個d水餃係佢哋自己包，粒粒都好鬼大粒，呢度一隻水餃等於出面平時兩隻，入面有蝦、豬肉同木耳，口感好豐富，有木耳仲會咬到有聲！😅😅
7.安格斯肥牛（細）$248+手切本地鮮牛肉（細）$368（7/10）
本地鮮牛肉就好韌，安格斯肥牛就好嫩滑， 兩種牛肉都係牛肉味重！
8.韮菜肉碎餃 8隻$58（8/10）
9.蓮藕片+䈑笋$35（7/10）
10.咸檸七$30（8/10）
呢杯咸檸七係佢哋自家製，入面係醃咗嘅檸檬，檸檬已經切碎哂，倒埋7 up入去，飲落去每一啖都飲到鹹鹹地甘甘地嘅味道，幾好飲！
11.洛神花茶$38（8/10）
呢杯好大杯好抵飲，洛神花茶酸酸甜甜，係佢哋自家製， 打邊爐拎嚟消滯解膩就最啱啦！
總結：呢間邊爐餐廳用靚料比客人，服務好好，食完仲有雪米糍甜品送，有士多啤梨/綠茶/朱古力味揀！👍👍👍
2人總共價錢$1681.9，火鍋醬料每位$18，有加一服務費！
個人口味總評分：8/10
地址：九龍城福佬村道82至84號福成閣地下A至B舖
#九龍城美食 #瀛鍋 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfood #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
張貼
