鳥知

營業中

休息中

一間在尖沙咀心臟地區嘅全新燒鳥店，地點非常易找，佢哋強調用本地新鮮雞做串燒，單係呢一點已經比一般日式串燒店有分別。 在星期五晚與朋友到訪仍在閉門試業的它，餐廳裝修清雅、用色柔和而帶現代感，坐位係全高吧櫈設計 朝向中央的串燒爐，坐得幾舒服，亦非常方便同串燒師傅互動。 當晚所見，全埸廿多個位都坐滿，氣氛有點未食飽已經情緒高漲嘅感覺。 菜單好似有四、五十款食品，當然以雞類為主，定價唔算頂高，但又唔算平易。 差唔多點了菜單上一半的食品，師傅細心地循序逐串上，冇話一次過上四、五串而出現食唔切嘅情況。 串燒燒得恰到好處，而食材新鮮真係有所不同。 我特別鍾意雞冠的膠原口感，而雞肉臟更係必食。 席間師傅會同客輕鬆閑聊、踫杯飲下。 樓面侍應都好熱情，驚客人飲唔夠咁。 值得一提係餐廳做緊免收開瓶費，對酒客嚟講真係福音。 不過，其實佢哋酒單提供嘅酒類價錢都唔貴，性價比重幾高添。廁所衛生對我嚟講非常重要，難得佢哋男女廁所都打理得乾淨清新，希望佢哋能夠保持啦。