影片
更多
2022-06-20
50 瀏覽
餐廳其實幾大，有勁大嘅露天位，成個環境俾人感覺好chill。唔知係咪因為太旺嘅關係，七點入去坐，九點先至有主食。基本上當晚係成場爆滿。估唔到呢間餐廳咁火爆。呢一個小食拼盤最好味嘅就係佢嘅薯餅。薯餅入面包裹着海鮮，點上餐廳提供嘅芥末醬，非常滋味。跟住就係佢嘅蝦天婦羅，入面嘅蝦肉嫩滑彈牙。雖然面頭炸到係有少少燶但係無損佢入面嘅鮮味。除咗芥末醬仲有其他嘅醬汁，個人最推介就係佢嘅蛋黃醬，只係主觀意見。（個人口味唔同有啲人就會覺得芥末醬係好味啲嘅。）呢一個真係正，魚同蝦嘅下面係薯蓉。薯蓉有少少奶油味。塊魚煎得啱啱好，如果隻蝦可以剝埋殼咁就更加好。我覺得最好味嘅應該就係呢個，德國豬手。但真係好熱氣一定要叫一杯啤酒去飲。其實呢樣嘢係我第一次食，同尋常嘅炸豬扒好似差唔多但係又有少少分別。根部比較多，肉其實就唔算太多，一咬落去有一種充滿炸烈骨膠原嘅感覺。我就配咗一杯日本啤酒飲嘅，成晚食咗咁多炸嘢，真係好擔心自己會生飛滋。等咗勁耐啲飯終於嚟到，已經係夜晚九點。個海鮮奶油返聞落去有好大浸嘅牛油味，睇得出佢個芝士同埋牛油或橄欖油嗰啲係落得非常充足。野菌松露意大利飯上面呢有麵包插着，我就覺得呢個裝飾唔錯嘅。啲飯
呢一個小食拼盤最好味嘅就係佢嘅薯餅。薯餅入面包裹着海鮮，點上餐廳提供嘅芥末醬，非常滋味。跟住就係佢嘅蝦天婦羅，入面嘅蝦肉嫩滑彈牙。雖然面頭炸到係有少少燶但係無損佢入面嘅鮮味。除咗芥末醬仲有其他嘅醬汁，個人最推介就係佢嘅蛋黃醬，只係主觀意見。（個人口味唔同有啲人就會覺得芥末醬係好味啲嘅。）
呢一個真係正，魚同蝦嘅下面係薯蓉。薯蓉有少少奶油味。塊魚煎得啱啱好，如果隻蝦可以剝埋殼咁就更加好。
我覺得最好味嘅應該就係呢個，德國豬手。但真係好熱氣一定要叫一杯啤酒去飲。其實呢樣嘢係我第一次食，同尋常嘅炸豬扒好似差唔多但係又有少少分別。根部比較多，肉其實就唔算太多，一咬落去有一種充滿炸烈骨膠原嘅感覺。
我就配咗一杯日本啤酒飲嘅，成晚食咗咁多炸嘢，真係好擔心自己會生飛滋。
等咗勁耐啲飯終於嚟到，已經係夜晚九點。個海鮮奶油返聞落去有好大浸嘅牛油味，睇得出佢個芝士同埋牛油或橄欖油嗰啲係落得非常充足。
野菌松露意大利飯上面呢有麵包插着，我就覺得呢個裝飾唔錯嘅。啲飯鋪喺麵包上面別有一番滋味。兩個飯入面麵包唔係點湯，而係點醬汁去食。麵包烘得啱啱好，又脆又軟熟。
食完飯之後覺得未飲夠，又叫咗一杯士多啤梨Cocktail。我發現佢嘅士多啤梨俾得都幾多。應該係俾晒成隻士多啤梨我。但係唔知道點解飲落去呢有少少人工化學嘅感覺。但士多啤梨係真嘅。
總體來講，呢間餐廳環境真係唔錯，食物質素都去到中上嘅水平。如果大家想去食嘅話記得要訂位。
張貼
