影片
更多
2022-10-07
613 瀏覽
朋友係Restaurant Week常客，今次帶我去TokyoLima，一間創意到令你懷疑自己是否食過日本菜和秘魯菜的fusion餐廳。之後google番先知每道菜背後的食材真係有日本秘魯元素。餐廳環境好chill，音樂輕快，有幾張檯嘅食客講嘢好大聲，鐘意嘅會覺得好high，相反就覺得好嘈，好難傾到計，我哋屬於後者，於是要求waitress搬去餐廳角落，靜啲啲。今晚揀咗Dinner Set：沙律 T-3 (v)有沙律菜、南瓜、番茄、杏仁等，重點是有粒鵪鶉蛋，酸酸地，好開胃。雞腿 Ki-mo-chi雞腿炸得脆香，個sauce Rocoto Mayo原來係秘魯特有醬汁，酸酸辣辣，味道幾夾。雞配秘魯拌飯Chicken Tacu TacuTacu Tacu係經典秘魯菜，但分量極少，只有2-3羹，食唔出有乜印象。雞就grill得幾嫩，我平時唔鐘意食雞胸肉，但都覺得唔錯。由於半隻雞上，要用刀切開分一半，用餐刀切雞的確有啲難度。烤三文魚 Grilled Salmon烤三文魚好好味，味噌糖漿配三文魚，味道都幾夾，唔使點醬都夠味。甜品飲品甜品一個係Brownie加Chocolate mousse，另一個
餐廳環境好chill，音樂輕快，有幾張檯嘅食客講嘢好大聲，鐘意嘅會覺得好high，相反就覺得好嘈，好難傾到計，我哋屬於後者，於是要求waitress搬去餐廳角落，靜啲啲。
今晚揀咗Dinner Set：沙律 T-3 (v)
有沙律菜、南瓜、番茄、杏仁等，重點是有粒鵪鶉蛋，酸酸地，好開胃。
雞腿 Ki-mo-chi雞腿炸得脆香，個sauce Rocoto Mayo原來係秘魯特有醬汁，酸酸辣辣，味道幾夾。
雞配秘魯拌飯Chicken Tacu TacuTacu Tacu係經典秘魯菜，但分量極少，只有2-3羹，食唔出有乜印象。雞就grill得幾嫩，我平時唔鐘意食雞胸肉，但都覺得唔錯。由於半隻雞上，要用刀切開分一半，用餐刀切雞的確有啲難度。
烤三文魚 Grilled Salmon烤三文魚好好味，味噌糖漿配三文魚，味道都幾夾，唔使點醬都夠味。
甜品飲品甜品一個係Brownie加Chocolate mousse，另一個叫Free 4 You，唔明點解叫呢個名，不過橘子蛋糕好好味。
張貼
