鍋先生海鮮火鍋菜館 (已結業)

趁今晚天氣凍凍哋，放工約咗幾個朋友去尖沙咀山林道嘅《鍋先生火鍋菜館》打邊爐，我哋揀咗個鮮茄濃湯花甲鍋做邊爐嘅湯底，個湯底有好濃鮮茄味，不過又唔會太酸，味道啱啱好，做打邊爐嘅湯底真係唔會揀錯邊爐材料方面，我哋揀咗安格斯牛肉，佢哋嘅牛肉完全唔係次貨，色澤好靚，入口陣牛肉味真係好香 特別我仲想讚下佢哋嘅白牛柏葉同芝士獅子狗，因為本人超鍾意食牛柏葉，但喺出面食襯都麻麻哋，唔係淋得滯就太細塊，《鍋先生》嘅白牛柏葉就超爽口，正呀 至於芝士獅子狗都係必食，一啖咬落口，D 芝士醬就爆晒出嚟！芝士控最愛 雖然佢哋係主打打邊爐，不過都有小菜食，我哋叫咗個「蒜蓉粉絲蒸聖子皇」，聖子超大隻，又爽口，蒸得超入味，配搭得超好真係值得推介呀