酒鍋 (天文臺道) (已結業)

星期日嘅晚上，再一次打邊爐做晚餐。今次去到尖沙咀食酒鍋，除咗主打優雅嘅環境之外，食物質素固然有保證。呢客酒火入鍋，淨係4種味道都已經夠吸引，四川麻辣火鍋，原隻鮮龍蝦湯底，喇沙湯底，以及蘿蔔牛腩，各種唔同口味，總有一款啱你！個人最喜歡，當然係原隻龍蝦，龍蝦肉鮮味十足，肉身白淨，湯底盡吸收龍蝦精華，滋味十足！打邊爐點少得牛肉，呢客頂級安格斯牛肉，脂肪比例平均地分佈，係火鍋中快煮大約20秒，既可食到嫩滑口感，牛肉香味亦夠突出！接著有鮑魚丸及炸響鈴。前者係比較少見嘅丸類，加上真正鮑魚固然會增加口感，係可以突出丸類嘅海鮮鮮味！而即炸響鈴上枱時香噴噴，加入紫菜令味道更有層次，淨食或放入火鍋一樣得。食到滿枱美食，環境又舒適，當然值得推介！