沙田18

營業中

休息中

很久沒來沙田18了，這次朋友生日，趁機就去一聚。可能我們一行人多，又飲酒，又有小朋友，所以一來便被安排坐在室外平台，只得我們1檯，嘈啲都冇關係 。值得1讚既係平台邊還有積木和黑板讓小朋友玩。好了，說回正提，來得沙田18，必食片皮鴨。據聞這裏的鴨，是用正宗碳爐燒出來，絕對正宗。 食法倒挺特別，最正的係鴨皮，就咁加砂糖食，入口即溶。反而鴨肉包薄餅食，味道就只是一般。可能香港人口味的不同，我反而覺得港式片皮鴨，淋油炸出來的更可口。食完片鴨，小菜也挺特別。天山雪蓮炒牛仔粒，我唔知啲天山雪蓮係邊啦，但係啲牛仔粒就認真好食喇。仲有1個牛仔粒窩巴，也不錯。黑松露魚柳，只有少許黑松露味。最後甜品也是挺特別的。五糧液朱古力，可以一試，甜中帶有很強的中國白酒風味。還有個腐乳芝士餅，我就真係唔識欣賞了。賞著夜空，吹著微風，喝著美酒，與朋友談天聚舊。