養心殿台式養生鍋 (已結業)

12月嚟到喇，又係到咗一齊聚會嘅日子，尤其是多咗好多生日飯，聖誕飯咁囉。最近天氣又有啲凍凍地，所以我哋就揀咗打邊爐。我哋叫咗個鴛鴦鍋，因為價錢都係一樣嘅。咁就可以試到兩種唔同嘅鍋底啦，分別係養生鍋同埋美人鍋。係等緊嘢食嘅同時，我哋就叫咗一啲小食。呢個係鹽酥炸雞，炸雞好快就來到啦。炸雞細細粒好香口，仲炸得好鬆脆添。呢個係黑毛豬梅花肉，每片嘅脂肪同埋肉嘅份量都好平均，佢有肉嘅甘香，而且又有咬口。呢個係烏冬，烏冬可以吸收湯底嘅精華。