牧羊少年咖啡館 (香港單車館)

營業中

休息中

我本身係一個咖啡師，宜家咖啡店百花齊放，但若干年前，第一批由連鎖咖啡店手上殺出一條血路既咖啡小店，就係呢間。當時嘅店鋪入面系比較小小天地，燈光柔和。見證住佢不停變革，越開越多，宜家幾間分店嘅格局變成高樓底，設計時尚，但係咖啡同埋食物質素，就保持甚至越變越好，彷彿有一種一齊成長嘅感覺。 🍖我哋點咗二人餐，前菜小食係荷蘭醬香煎豬扒，但係估唔到個size係大到平時茶餐廳煎豬扒飯嗰塊扒咁大，仲要打孖上。豬扒好腍唔油，真係好配合個荷蘭醬。 🍖意粉我哋揀咗蜆肉意粉。相對於啖啖肉同埋creamy啲醬汁嘅豬扒，呢一道主菜，顯得特別清爽同refreshing。雖然係比較清，但係絕對唔乾身，醬汁仍然足夠掛住麵條，當然亦都唔係水汪汪，醬汁份量拿捏得非常之準確。 🍖另一道主菜就係咖啡羊架，本來想叫牛扒，但係因為佢係用咖啡去做調味，所以特別想試。羊架冇咩騷味，再加上咖啡汁醃製過，上面又有焗過嘅麵包糠，肉質保持嫩滑，而且有脆脆口感，仲有淡淡嘅咖啡味。 🍖最後就係焗芝士撻同埋雪糕。平時我哋食開凍芝士撻，其實已經好正，估唔到焗熱佢，效果仲更加出色。有啲熱溶芝士嘅效果，加埋無花果同龍珠果，小小酸味更加帶出佢嘅層次。