一樂日本料理 (已結業)

ㄧ樂一樂, 一起快樂, 真有意思, 所以我都要約班好朋友去快樂下先。店舖地方很寬敞, 座位坐得舒適, 環境清靜。先來ㄧ客全辛柚子醬燒雞中翼, 雞中翼炸得金香可口, 多肉汁, 外面有柚子的香味, 又有少少辣, 十分好吃。鹽花燒鯖花魚, 睇下 d 魚燒得幾到家, 魚肉沒有魚腥味, 加少少檸檬汁, 更能帶出魚的鮮味。縮骨蒜爆牛柳粒, 個名非常之特别, 竟然叫做縮骨, 可能係因為牛柳粒 size 細細又無骨, 所以叫縮骨。牛柳粒有少少辣, 加上蒜香味, 難怪受到大好評。要做到飲食均衡, 蔬菜又點少得呢, 蒜蓉白菜仔, 海盬枝豆, 睇下煮得青綠, 皆因食材夠新鮮。食咗咁多嘢, 係時候介紹飲品啦, 你睇下個大雪櫃, 唔同款式嘅飲品有汽水, 果汁, 烏龍茶等, 總有ㄧ款合你口味。甜品嘅款式都唔少, 似足酒店自助餐。朱古力蛋糕, 藍莓芝士蛋糕, 點都要試下。仲有雪糕雪條, 食幾多都得, 只要你食得落。