回到味來 (已結業)

今次我地係夜晚黎到回到味來食佢地既半放題海鮮火鍋，佢哋呢個半放題套餐好豐富，除咗基本嘅雞煲同火鍋料之外，仲有海鮮拼盤同埋牛頸脊肉。佢哋嘅雞煲有兩款味道，我哋因為唔食得太辣，揀左黃燜雞煲。雞煲係任食嘅，可以無限添，我哋食左兩轉。火鍋我哋揀咗蕃茄濃湯湯底，蕃茄湯底都好夠味，個人幾鐘意。但如果比較prefer清啲淡啲嘅湯底，可能呢個番茄濃湯就未必適合。佢嘅海鮮拼盤都好豐富，牛頸脊肉亦都好薄好味，另外仲有頗多嘅火鍋配料可以任叫，都好抵食。嘢飲仲有得揀佢哋自家製既竹蔗茅根，都好好飲架，推薦!