高麗軒韓國料理 (已結業)

朋友講起話食韓燒，諗到頭大都揀唔到，我就帶左佢黎高麗軒!門面唔係特別招客，普普通通，但質素同性價比極高，上一次黎都已經覺得佢抵食，今次帶朋友再黎!!晚上六點至十點都只係218加一，旺角都未必有咁平!一入座已經放好哂前菜，種類多之餘，味道都非常好，仲可以無限refill上次黎都冇留意，原來有調味料俾你調味，真係冇乜韓燒店有咁做~呢度除左燒豬雞牛羊同海鮮，仲有韓式湯粉麵飯小菜任點，我比較鍾意呢度既湯!點左份豆腐辣湯，非常足料，入邊除左豆腐仲有蜆，牛肉，翠玉瓜，生雞蛋，成個湯鮮味十足!味道唔會太辣，鮮甜，夠熱，即使夏天飲我都覺得一流!為左食佢既牛，我地加左點埋特別推介既menu，menu入訪三款牛，我最鍾意係牛頸肉!味道濃，肉質又嫩又多汁，而且我非常鍾意呢度既燒網，一格格既鐵絲網，唔會燒到痴實哂另外霜降牛都唔差! 但比起牛頸肉會肥左少少，肉味冇咁濃，但都係嫩既呢度既牛唔洗燒太耐，燒太耐會好乾身，冇哂肉汁點左一份海鮮拼盤，帶子，青口同扇貝一流! 夠哂鮮甜尤魚都唔錯，夠彈牙「但最意想不到既係魚肉，平時我好憎燒魚肉，因為好易散開，但可能係個網既問題。本身佢唔會痴網，你唔太大力既話，魚肉仲可以完完整