阿久根和牛拉麵屋

營業中

休息中

通常我去到日本搵拉麵食都會搵豬骨湯湯底，直至一次我去到福岡，因為已經好夜，所以豬骨湯拉麵店都已經關門，忽然行行吓見到一間係寫住白雞湯拉麵，咁就唯有試吓啦。如果唔係連宵夜都冇得食，就係咁岩果次之後令我愛上。其實雞湯拉麵同豬骨拉麵嘅味道我覺得差唔多，一樣都係咁濃。起初以為雞湯拉麵會比較淡，但係原來唔係，煮得好食雞湯拉麵一樣係十分之受歡迎。呢度嘅雞湯拉麵都做得幾好，濃而不鹹，唔會油膩。我仲特別喜歡佢嗰塊豬肉片，唔會太肥膩，而且佢仲用咗灸燒，除咗豬肉嘅香之外仲多咗一陣燒烤嘅香，幾得意。