影片
更多
2022-05-08
93 瀏覽
好耐無得晚市堂食，終於放監梗係要四圍搵食。上網見呢間有台式火鍋，裝修好特別有好多櫻花樹，滿足晒我想打卡又想打邊爐既2個願望😌。呢間餐廳位於荃灣千色匯(KOLOUR)，大概喺大鴻輝附近，要留意唔好去左千色(citistore)嗰到😂。💡小提示係去南山大廈隔離個入口經扶手電梯上去2樓就見到。6點幾去到好彩啱啱好有位。揀左Set C試，120分鐘放題，每人$308加一，唔算貴🖖🏻。原本唔想坐門口位，但坐櫻花樹下食幾特別😳，同埋張枱好大…夠位擺野，同埋staff主動俾櫈仔擺袋👍🏻，唯一係同對面食客偶爾四目交投有少少尷尬😂。🔅湯底有9款揀，我就梗係揀壽喜燒同豬骨湯😎。湯底唔會太鹹，壽喜燒都唔會太甜啱啱好，配埋王子麵一流！🔅肉類呢間特別啲有埋羊肉，唔羶，豚肉片都唔鞋口，不過當然主要食牛😎。肉類都切得夠薄，好快熟，不知不覺會食左超多塊😂。🔅配料區火鍋配料好多選擇，不過我主要食凍豆腐同埋娃娃菜，菜好新鮮無爛👍🏻。🔅台式小吃我揀呢間打邊爐其中一個原因係見到有好多台式小食同甜品😂，結果無令我失望。花枝丸真係有花枝粒，又夠彈牙，炸起食真係好正！鹽酥雞粉漿唔算厚，仲頗juicy又滑，比附近間藍店仲好食👍🏻。呢
6點幾去到好彩啱啱好有位。揀左Set C試，120分鐘放題，每人$308加一，唔算貴🖖🏻。原本唔想坐門口位，但坐櫻花樹下食幾特別😳，同埋張枱好大…夠位擺野，同埋staff主動俾櫈仔擺袋👍🏻，唯一係同對面食客偶爾四目交投有少少尷尬😂。
🔅湯底有9款揀，我就梗係揀壽喜燒同豬骨湯😎。湯底唔會太鹹，壽喜燒都唔會太甜啱啱好，配埋王子麵一流！
🔅肉類呢間特別啲有埋羊肉，唔羶，豚肉片都唔鞋口，不過當然主要食牛😎。肉類都切得夠薄，好快熟，不知不覺會食左超多塊😂。
🔅配料區火鍋配料好多選擇，不過我主要食凍豆腐同埋娃娃菜，菜好新鮮無爛👍🏻。
🔅台式小吃我揀呢間打邊爐其中一個原因係見到有好多台式小食同甜品😂，結果無令我失望。花枝丸真係有花枝粒，又夠彈牙，炸起食真係好正！鹽酥雞粉漿唔算厚，仲頗juicy又滑，比附近間藍店仲好食👍🏻。呢2樣幾高質，次次都熱辣辣送到，有喺台灣食過既質素🤤。
🔅甜品雪糕係每人一個movenpick已經加分，甜品仲有waffle、仙草、芋圓、奶凍等等叫…真係驚死人食唔飽🤣。可惜食小食同牛已經好飽，叫左個waffle同愛玉試。Waffle外脆內軟，雪糕又勁大球…
🔅飲品飲品選擇都係極多！以茶類為主，可以解膩，同埋唔會過甜。本身火鍋都口味重，所以飲返清少少既平衡下就最啱。
💬Overall好滿意，食物飲品款式真係好多，staff收野refill都快手又有禮貌，環境亦都唔錯。比較特別係舖頭有埋台灣特色零食賣，全部都係經典台灣手信，仲有乖乖tim😝。每人都可以寫張籤仔許願，當我食食下仲見到有句詛咒脂肪不會遠離我☹️。
張貼
