丸十日本食堂 (已結業)

近年黎葵芳，都會鍾意黎新都會廣場搵野食，仲記得之前呢個鋪位係和民，一排無黎，就變左做一間叫丸十既餐廳。之前係旺角朗豪坊都見過呢間餐廳，一直都未有機會試，今日見唔算多人排隊，一於試下。食物選擇好多，可惜openrice 只可以upload 12 張相，所以無得show 哂上黎🤷🏻‍♀️餐廳裝修簡約得黎都幾有格調，而且好多卡位，坐得都幾舒服。另外，仲有吧檯位。冰鎮鮑魚，廚師調味做得唔錯鐵板牛肉，肉質嫩滑，唔會煮過火👍🏻呢個出色！！海膽蟹肉天婦羅第一次聽到海膽天婦羅，落單時侍應推薦呢個更好味果然無介紹錯，好特別，海膽比刺身食又有少少唔同，帶左炸過既香味，而且同蟹肉互相輝映，正👍🏻👍🏻👍🏻最後係日本地雞丼地雞同普通雞有乜分別？原來地雞係指喺日本國產既雞，而且有指定既飼養方法，跟足先可以叫地雞, 產量好少，食落雞肉特別嫩滑。