酒鍋 (天文臺道) (已結業)

今日媽媽過生日🎂，上網book咗位食下呢間，媽咪話食得好開心😃，叫我下次再帶佢嚟食。🅰️‼️我哋嗌左揚名四海，一共有四款湯底，有黑松露雜菌鍋，濃湯豬骨鍋，四川麻辣鍋同埋鹹酸菜胡椒豬肚鍋。湯底落足料，食材豐富，鹹度適中，非常清甜，值得一試。🈵😁我哋仲食咗金沙鹹蛋脆炸鮮魚皮，表面有黃黑漸變色，鮮香爽脆令人齒頰留香，鮮味澎湃。😋⭕️配料方面仲有黑松露蝦蟹餃🥟、炸雞軟骨🍗。黑松露蝦蟹餃好大粒，肉都超多，咬落去彈牙爽口，有好濃嘅黑松露味。炸雞軟骨好脆，好適合做開胃小菜，食得多都唔怕上火，因為師傅唔係落好多油。💟🔥 呢度嘅食物成功征服咗媽咪嘅心，我哋都食得好開心🥳，祝生意興隆！🥰😙