影片
更多
2016-11-05
575 瀏覽
今日同媽媽0係屋企附近搵食，估唔到甘易執到寶。我地行左去最近屋企又有少少睇頭既餐廳。甘耐無幫襯，原來佢依家主打火鍋。一坐低就見到醬料自助，感覺好親民。當日做緊兩個優惠，一個係醉雞湯底，另一個係安格斯牛肉。諗都唔駛諗，一於兩個點哂。而其他野食都好平，火鍋生料選擇好多，有海鮮肉類同蔬菜。價錢方面，十幾蚊一個菜我已經多年無見過了。舊區果然是舊區，物價彷彿停頓10年前，呢個都係我堅持住在新蒲崗既原因。醉雞煲，一上台已經聞到陣陣香氣，一食仲即刻心心眼。湯底酒味好香濃 好香濃好香濃（很重要所以講三次），老闆話用私人靚花雕製成的，而藥材味亦十足。跟湯底既醉雞件另上，足足半隻，雞件切得好靚無碎骨，嫩滑有香味，唔係凍壞既急凍雞。另一亮點絕對係牛肉，牛肉價錢平期望本唔太大。但牛肉份量唔多得黎原來係靚野，肥瘦好均勻。薄薄一塊，滾一滾即食，唔駛點醬汁。牛味同酒味cross over，精彩。蜂巢豆腐呢度就扣返少少分，雖然好吸汁好入味，但未完全解凍就上左台，差少少口感。雲吞係佢地自己包既，好足料有大大隻蝦，而且皮好薄，一d都唔比出名既雲吞麵店遜色。呢個叫鬼馬墨魚滑，鬼馬原來係油烤鬼甘解，而個人覺得佢鬼馬在點煮都仲
一坐低就見到醬料自助，感覺好親民。
當日做緊兩個優惠，一個係醉雞湯底，另一個係安格斯牛肉。諗都唔駛諗，一於兩個點哂。
而其他野食都好平，火鍋生料選擇好多，有海鮮肉類同蔬菜。價錢方面，十幾蚊一個菜我已經多年無見過了。舊區果然是舊區，物價彷彿停頓10年前，呢個都係我堅持住在新蒲崗既原因。
醉雞煲，一上台已經聞到陣陣香氣，一食仲即刻心心眼。湯底酒味好香濃 好香濃好香濃（很重要所以講三次），老闆話用私人靚花雕製成的，而藥材味亦十足。
跟湯底既醉雞件另上，足足半隻，雞件切得好靚無碎骨，嫩滑有香味，唔係凍壞既急凍雞。
另一亮點絕對係牛肉，牛肉價錢平期望本唔太大。但牛肉份量唔多得黎原來係靚野，肥瘦好均勻。薄薄一塊，滾一滾即食，唔駛點醬汁。牛味同酒味cross over，精彩。
蜂巢豆腐呢度就扣返少少分，雖然好吸汁好入味，但未完全解凍就上左台，差少少口感。
雲吞係佢地自己包既，好足料有大大隻蝦，而且皮好薄，一d都唔比出名既雲吞麵店遜色。
呢個叫鬼馬墨魚滑，鬼馬原來係油烤鬼甘解，而個人覺得佢鬼馬在點煮都仲香脆，而又無咩油憶味。墨魚滑係手打，伴少少蟹籽，十分有彈性。兩樣一齊食，又彈又脆，口感勁豐富。
西班牙豚肉係媽媽鍾意食既必點火鍋料。佢話好好食wor，不過豚肉唔係我杯茶，我都無咩點試到。
雖然小店五星級既服務同裝修就絕對提供唔到架喇，但親民既價格同點點人情味就絕對唔難搵到。食物出品認真，製作有心思，服務亦好貼心。而除去價錢既考慮，醉雞湯底亦確實係我食過最重酒味的醉雞湯底。我地最後都係食唔哂要打包，而埋單五舊有找，夫復何求？張貼
