拉麵小町

營業中

休息中

食飯時間一坐低就落單，等咗足足半個鐘，竟然隔離枱遲嚟先上岸🙄我忍唔住即刻問點解❓佢淨係話因為一齊煮㗎⁉️ 但係明明隔離枱係遲我十分鐘先落單，你話畀我聽有咩嘢意思呢?❓ 我係咪應該要知嘅呢😑直至我離開佢哋一句唔好意思都冇🤷‍♀️🤷‍♂️ 咁嘅服務態度真係令人好失望。講番碗拉麵，我嘅經驗話俾我知，當一個人好痛肚餓嘅時候，食一啲佢平時覺得好味嘅嘢，佢會覺得特別好味，但係我食呢碗麵嘅時候，我真係覺得好一般，只係一碗好普通嘅麵。。。唔係話我唔想支持小店，但有時打住小店嘅旗號唔係就話大曬，隨便一句用心製作，就可以叫一個食客浪費30分鐘去等一碗咁普通嘅麵。