40
21
3
港鐵天水圍站 A 出口, 步行約9分鐘; 輕鐵坑尾村站, 步行2分鐘
繼續閱讀
電話號碼
23162988
附加資料
不設訂座
營業時間
今日營業
全日休息
星期一至二
全日休息
星期三至四
12:00 - 15:00
17:30 - 21:00
星期五
全日休息
星期六至日
12:00 - 21:00
*最後落單時間: 20:15
以上資料只供參考, 請與餐廳確認詳情
係香港成日都食到啲偏濃味嘅拉麵～食完通常都好飽好滯，如果上一餐食咗啲重口味嘅嘢就唔會想食🙈呢間嘅鰹魚湯柚子塩拉麺絕對唔會有呢個問題，食落去超級清新、輕盈。食晒成碗都唔會膩！佢嘅全部拉麵都係非常高質！今次淨係影咗其中一種，但其實基本上佢每一款我都食過，都係好食嘅！推赤味噌拉麵同鰹魚湯柚子塩拉麺！下次再去影埋其他俾大家睇！鰹魚湯柚子塩拉麺 $88👍🏻👍🏻👍🏻今次同朋友都點咗呢一碗。前一餐食得比較重口味，想食個清小小嘅！清得黎又好食嘅拉麵真心香港都好難搵！呢款真係啱啱好，佢嘅鰹魚湯真係超級清甜，加埋個柚子味好清新。配埋個慢煮肩肉盛味白叉燒，一流。食到一半試下記得加埋七味粉，更加帶出個湯底嘅味道。赤味噌拉麵 $98 👍🏻👍🏻👍🏻鍾意食濃味拉麵嘅朋友千祈唔好錯過！平時我一定係叫呢碗！重口味之選🤣超級濃郁加埋少少辣冇得彈😤仲有2塊叉燒同溏心蛋，食拉麵一定要有隻溏心蛋先開心🤣天水圍真係冇咩好食嘅拉麵舖😂點都要出元朗或者屯門先食到好啲嘅～呢間簡直係欣物！佢係喺屏山入面嘅一間隱世小店，天西或者坑尾村過去5分鐘就到。不過要行啲小路，有一種去咗第二個世界嘅感覺🤣成間舖都俾人好舒服嘅感覺！
繼續閱讀
/最近發現左一間好隱世既拉麵小店🍜藏身係元朗村口～ 隔離仲有佢哋既專屬停車場🅿️ 店舖雖小但好精緻，未開門就已經見到有人係到排緊隊！-🥢蕃茄拉麵好小可會見到有蕃茄拉麵就決定試下🫣就咁望個湯色水好似麻麻地，但食落蕃茄味道都幾濃而且偏傑身，有啲清新既感覺！麵質冇得選擇，偏硬身都幾彈牙！溏心蛋生熟度啱啱好😋一咬開就流晒蛋汁！🥢醬油拉麵醬油湯底好濃郁！叉燒薄切肥瘦適中，比較軟琳琳一夾會散，仲有種入口即融既感覺！🥢山椒雞翼有驚喜！即叫即整上到枱勁熱勁脆！😋有啲檸檬香同少少辣少少麻既感覺🥢凍豆腐我一直都好中意食豆腐🥰 呢隻日式凍豆腐用鰹魚醬油汁浸住，好清新又解膩😚🥢凍秋葵秋葵係男朋友既愛🤣 不過比較普通
繼續閱讀
聽聞呢間小店又話隱世…又話要排隊剩剩咁樣今日15:xx 黎到泊好車好彩地唔使排隊直入佢都有幾多口味既拉面友人叫左白味噌拉麵 HKD 98我就係鰹魚湯柚子拉麵 HKD 88面嘅口感，有啲彈牙不過有啲似我係DONKI / 一田買果啲凍拉麵我果碗湯底係有淡淡柚子味…不過成件事真係好清好健康連嗰塊叉燒都瘦過我朋友嗰碗鍾意食濃味野嘅人千祈千祈唔好點另外友人嗰款就對板好多啦塊叉燒好肥美，入口即溶嗰隻奶白色嘅湯底，味道溫和醇厚小店嘅位置唔係好多，所以難怪高峰時間係要排隊嘅唯一可取嘅地方係方便揸車人士泊低車食拉麵
繼續閱讀
次次假日路過都見排隊既拉麵店星期六7點左右經過見唔駛等位，就試下啦。入到去真係好少位，大約15個位左右坐落真係想轉身都難。仲要講到明『請一次性落單』哈哈～都無咩野選擇，所以都無難度最後都係一人一碗拉麵算白味噌拉麵（叉燒2塊＋糖心蛋1隻）湯底唔錯，但食到中段會開始覺得漏叉燒唔錯夠淋，但好薄拉麵既麵身真係無想像中咁彈牙溏心蛋得少少糖心其餘兩碗 只係湯底唔同😅鏗魚醬油拉麵（叉燒2塊＋糖心蛋1隻）湯底淨係食到醬油味紫菜唔太夾個湯底赤味噌拉麵（叉燒2塊＋溏心蛋1隻）感覺一般，完。食後感，真係唔明點解食評讚到咁誇張，性價比唔高，可能我地三個唔識欣賞。
繼續閱讀
屏山有間隱世小店，係正公廁對面，入面雖然細但裝修幾精緻，有種溫馨感覺，廚房似係由2公婆主理，加埋一個店員。佢有設車位但位置唔多，如果揸車就早小小黎，因為車位、店入面都要排隊。🍜 豚骨魚介湯塩拉麵 $80★★★★☆呢個拉麵以豚骨魚介做湯底，一碗有兩塊大叉燒同一隻溏心蛋，大家仲可以按自己喜好加蔥、加底、溏心蛋等。呢個湯底質感幾濃厚，但又唔會太咸，入口係舒服，食完哂成個拉麵都唔會好大負擔。值得一讚係個拉麵，個質感絕對令我喜出望外，佢唔係重了蛋香味，但係好爽口有彈性，加埋個帶濃厚湯底都掛到汁。拉麵仲配左2大塊半肥瘦嘅叉燒，脂肪部分入口即融，加埋燒得微焦的邊，食落唔會肥膩，仲有陣好香嘅煙燻味道。溏心蛋個熟度烹調得啱啱好，一入口入面流心，而且個調味都剛好！如果好似我咁去日本食當地好出名嘅拉麵會覺得太膩頂唔順，咁呢個啱哂你，佢會比較輕盈Light啲！🍜 鰹魚湯柚子塩拉麵 $80★★★☆☆呢個拉麵會再比豚骨魚介湯底塩拉麵清新同輕盈啲，一入口就有鰹魚湯味道，但隱隱會帶啲啲柚子嘅清香同埋塩味，就咁飲係幾好，但如果用黎配個拉麵會略廉唔夠味道。但真係食完哂成碗都唔會覺得膩口！呢個拉麵會配2大塊慢煮肩肉鹽味白叉燒，肥瘦各半，唔會好似上面個款叉燒咁入口即融，比較上有咬口同肉感多啲，同時食得出肉香味道。佢附左七味粉俾你加，個人覺得加左會好啲啲，更帶出個湯底。🍜 煎餃子 $42★★★★☆餃子即叫即整，一碟有5隻，食落脆口，皮薄，肉香味幾出同多汁。似係佢地自己手工包，有韭菜加左入餡料，但個味唔會太出到搶左肉味。一啖一個啱啱好，即使唔點任何醬汁都夠味。🍜 手工西柚啤 $48 ★★★☆☆佢俾隻杯係雪凍左，呢個要讚一讚，成件事加分。個啤酒飲落就一般般，同我想像中重西柚味有出入，味道帶微微甜，小麥味幾重，但都算係易入口。如果配串燒可能會更好，拉麵唔算太夾件事。🌟總括：小店模式經營，味道方面中上，但比較適合唔太重口味人士，如果食開日本超濃郁拉麵會覺得佢唔夠濃。價錢亦合理，有機會絕對會番去再試埋其他口味拉麵。
繼續閱讀
您可能會有興趣的...