發哥粥底海鮮火鍋 (已結業)

屋企人過冬嚟咗試一間新嘅蒸氣火鍋，佢係每一個人可以揀唔同嘅，最平嗰個呢就係配蟹嘅，貴啲嘅就係有半隻龍蝦嘅，我哋兩個都嗌咗。佢個餐呢首先係配咗啲前菜，有啲醃咗嘅青瓜同木耳，跟住仲有一個螺頭雞湯，個雞湯都唔錯，都足料~佢default再配咗每人有兩隻青口。另外仲有係鮑魚，整法可以係生嘅鮑魚放落去火鍋度煮，or冰鎮鮑魚，係有得揀嘅。佢本身跟餐仲配咗安格斯肥牛，啲牛肉都係靚靚哋，唔算超級肥同埋都幾有肉味。跟住輪到海鮮啦！睇上去其實幾唔錯嘅，但係食落去呢就麻麻地好多蜆，特別係大蜆，都係死嘅，所以一直開唔到口！然後啲龍蝦雖然睇落好新鮮， 最初上菜隻腳仲有少少郁嘅，但食落去口感就好似係好淋，似係梅左咁！ 全部海鮮呢都只係好一般，係隻蝦同蟹好啲！ 而且仲有一個大問題就係海鮮會有種腥臭味，佢可能係抽風系統唔夠好，一靠近個鍋就聞到好大陣臭味，之前食過好多其他嘅蒸氣海鮮火鍋都冇呢個問題，所以呢點令我覺得好失望嘅