WIRED CAFE (已結業)

本來想去銅鑼灣wired cafe ，點知執左...之後發現尖沙咀有分店，於是就想去再試念念不忘的taco rice!訂了星期日既晚飯時間去，不過六點入座都唔太多其他人。沙發位坐得幾舒服，環境都幾寫意咁。叫左一個牛肉片沙律同牛肉塔可飯，侍應亦記得幫我分開上沙律醬 不過食落個飯就同上次有比較，啲牛肉辣味唔出，而且份量偏少。沙律味道唔錯，菜葉可以切得再細塊少少。之後再叫多左個有驚喜既辣肉醬芝士pancake，口感幾得意，可以再試。