夢工房西日料理 (已結業)

山長水遠黎同個朋友食飯, 因為佢要OT, 所以我要就佢入葵涌...好遠其實放題大多數都係差唔多, 大家都係咁樣佢地個焗蠔唔係好夠熱...味道都唔差, 甜甜地同有D芝士味生蠔真係唔得, 雖然任點而且好多隻, 但又苦又澀又有SAN, 超級唔新鮮, 唔新鮮整熟佢咪好囉...點解要生...好安心地食既邊爐, 不過好食既料唔多, 湯底預左係味精好多冰粒既刺身, 新鮮度黎講真係麻麻, 味道都係一樣, 尤其帶子真係冇味, 好似食雪粒咁串燒幾好食, 雖然唔係咩靚料, 但佢用隻醬幾甜, 不過就太多濕得滯...YOGURT現成貨都算幾好呀, 甜甜酸酸咁, 食完飽滯感完全消失晒!