一坐低就即刻落湯底，點野食啦，不意外地等左好耐都未黎嘅，根本不夠人手，個個做到黑哂面，枱枱客都係咁追……
未有野食，朋友食左雪條先，哈哈，咩都食下啦。
飲品只有一個雪櫃，坐在店尾，要行到店頭先拎到，飲任有鴻福堂系列，解茶，汽水，豆漿等，算係幾多款。啤酒要另外加錢，想開壺茶都係另計嘅。
小食木耳同拍青瓜，酸酸地幾好開胃。
金沙炸魚皮，是近期當紅的咸蛋黃炸魚皮，新炸起熱辣辣，咸咸地又夠脆，好味喎，即刻encore多一碟先。
湯底要左芫荽皮蛋，無乜味，但至少無用師傅調味。第一round肉，要左羊肉片，牛舌，肥牛，腩片，肉味ok，但超薄切的透明狀，而且點幾多數量都係得一碟。
蜆，豬紅，鱔片等，都新鮮嘅。
蓮藕，菇，豆腐等，無乜特別啦。
蟹籽丸，芝士豆腐，芝士腐皮角等，新款野喎好少見，幾好味。
結冰蠔，幾肥的。
1
Round2的肥牛，厚身左又靚左喎。
甜品有雪條，雪糕杯，豆腐花，芝麻糊等，任食㗎，梗係要留肚食返條雪條啦。
$198一位無雜費，都抵食嘅。
一開始客人多時漏單超級嚴重，食到尾聲居然之前漏單嘅一次過補番哂黎，e.g.兩個鐘內無黎過嘅菜苗係最後十分鐘黎左三兜，所以追唔追單同重覆落單係無關係嘅，食物黎唔黎真係隨緣。
