更多
2021-05-08
960 瀏覽
又去試另一間古早蛋糕喇,依間開業冇耐就大排長龍,要排隊我當然冇試,咁啱最近行過見佢做特價,$40一件原味,仲要唔使排隊,即刻買件試,蛋糕一早已攤凍入盒,所以返到屋企唔會有倒汗水出現,反正我都係第二日先食,蛋糕凍同熱都無關係,都係即日貨。講返蛋糕,口感輕盈軟熟唔油膩,但蛋香就一般,三日內要食完,我食唔晒放到第四日就有怪味。佢仲有其他口味-朱古力、芝士、肉鬆同伯爵茶,其中有啲口味唔係日日都有,如果其他味道有特價我都打算再試吓,畢竟我食嚟食去都係原味。
張貼