阿麥廚房 (已結業)

眼見好多openrice blogger都對呢度dinner set好評如潮，自不然心動想感受下字裡行間既「好味」到底係點。想了大半年，終於book枱相約友人食。近排因為沉醉德國文化，食親西餐總係心思思想食德國菜。黎之前沒料到dinner menu竟然有德國(式)燒咸豬手食，當下喜出望外。服務生見我興奮莫名，乘勢極力推介(+$58)升級頭盤食「香煎法國鵝肝配焦糖酒醋藍莓」。因我倆每人食一個set，朋友提議不如試埋「大蝦占米多」，皆因出面好少機會食到！香煎法國鵝肝配焦糖酒醋藍莓。鵝肝的油膩用酸甜的果味來平衡，食起來零舍清新開胃。「大蝦占米多」用上虎蝦，蝦肉爽身不在話下，重點係用上芝士碎同蟹膏做醬汁開邊焗，鐘意食蝦既朋友一定食過番尋味。「黑松露菌忌廉湯」(跟餐+$38)。一睇已知好足料，飲每一啖都食到蘑菇碎，面頭黑松露更更提升了原先菇味既層次感，好飲。「蟹肉南瓜忌廉湯」(跟餐+$38)。加左南瓜蓉同蟹肉確係令湯更鮮甜，只係忌廉湯本身比較稀身，相信濃稠一點會更好飲呢。德國式燒豬手($220)。一上枱，豬手同薯條份量上確係好德國式，因為夠大份；豬手肉質深紅，外皮咬落真係「索索」聲。皮脆肉軟不在