356
46
21
港鐵銅鑼灣站 F1 出口, 步行約8分鐘 繼續閱讀
電話號碼
28080351
開飯介紹
阿麥書房的Cafe,提供各國小食、沙律、扒類及意粉,咖啡有不同口味選擇。 繼續閱讀
特色
飲o野傾計
營業時間
今日營業
12:00-22:00
星期一至日
12:00-22:00
付款方式
Visa Master 現金
其他資料
Wi-Fi
酒精飲品
泊車 詳細介紹
電話訂座 詳細介紹
加一服務費
室外座位
食評 (434)
等級4 2017-10-03
892 瀏覽
今日同舊同事食晚飯,我地今次食西餐。兩個女仔想去啲有格調嘅餐廳,所以特登上網搵,結果搵到阿麥廚房。一坐低睇完餐牌就決定叫兩個  餐,另外加$58可以多一個大蝦占米多或者香煎法國鵝肝配焦糖醋藍莓。飲品Almond Milk,我點呢杯嘢飲初時以為普通杏霜:上檯嘅時候好熱,遠聞就好香嘅奶味:飲落去個杏仁味好出。食物湯-黑松露菌忌廉湯配麵包:睇落去個色比平時蘑菇湯深色。飲之前就聞一聞先,蘑菇味都幾濃:到飲落去,有好多蘑菇粒。黑松露味就慢慢走出嚟。麵包表面搽上牛油,食落去脆脆地。德國燒咸豬手份量好多,一份德國咸豬手差唔多三個人份量。薯條外層金黃色而且都幾粗身:食落去好多薯肉,而且薯肉好甜。咸豬肉外層脆脆地,咸豬手都幾厚肉,豬手都幾滑口,而且好juicy。果仁焗三文魚扒三文魚扒上面鋪滿咗好多果仁,旁邊就有車厘茄、薯仔、翠肉瓜同西蘭花。先講配菜,顏色就幾翠綠:食落去好爽口。三文魚扒厚度差唔多三個5蚊銀咁厚。食落去有多重口感,先有果仁脆口嘅口感同三文魚又淋又滑嘅口感成一大對比。三文魚扒除左又淋又滑之外,而且好多汁。大蝦占米多(下圖)、香煎法國鵝肝配焦糖酒醋藍莓(上圖)香煎法國鵝肝配焦糖酒醋藍莓,旁邊有沙律菜:沙律菜有八爪菜、火煎菜。鵝肝一咬落入口即溶,食落去好鬆化。大蝦占米多內有菇、蝦肉同洋蔥撈埋蝦醬嚟煮,然後放入之前起哂肉嘅蝦殼上面。蝦肉好彈牙,洋蔥嘅甜同蝦醬嘅少少咸味:食唔停口。餐具刀叉比較長身,餐具都幾乾淨。餐牌餐牌一面係主菜,一面就係有沙律、湯。裝修:紫色嘅牆身,樓底夠哂高:俾人感覺空間感好大。服務態度:我覺得佢地態度唔錯:話說我朋友因身體唔可以食生冷野!初時我地話唔食得生冷野,之後就我地問帶子係唔係全熟。佢就答:  「五成熟。」我覺得個女侍應服務真好好,又幫我地倒水:又幫我地換碟。 繼續閱讀
(以上食評乃用戶個人意見 , 並不代表OpenRice之觀點。)
等級4 2017-10-01
846 瀏覽
在銅鑼灣上班, 位於加路連山道的「阿麥廚房」是我和同事的飯堂, 因為不論Set Lunch或Set Dinner的食物都相當不錯, 餐廳又會不定時更新Menu,唔怕悶,價錢又合理。 所以不論是Lunch或Dinner,周不時都會滿座,建議想食要先訂位喔!😏 這裡的Set Dinner有不少選擇: 意粉、意大利飯、牛扒、豬肋骨、咸豬手和羊架等都有, 而Set已經包括前菜、是日餐湯、主菜和飲品, $168-$228就有交易,好抵食呀~🤑 小食和餐湯還可以加錢升級享受呢!😳 香煎法國鵝肝配焦糖酒醋藍莓 鵝肝幾厚身,外層煎到香脆, 裏面軟綿綿,肥美柔軟, 放在烤得香脆的麵包上吃,口感更有層次。 浸泡了焦糖酒醋的藍莓酸酸甜甜, 開胃之餘又可解除鵝肝的油膩感~ 大蝦占米多 大大隻虎蝦起肉切粒, 混合了洋蔥、蘑菇等配料,再釀回蝦殻內烤焗,很惹味!😋 黑松露菌忌廉湯 用鮮蘑菇打成的濃湯,入口香滑濃郁, 還有粒粒蘑菇肉,加上黑松露醬,味道更豐富。 蟹肉南瓜忌廉湯 南瓜湯味道香濃,啖啖南瓜蓉和蟹肉~ 配上香脆法包,很是不錯!👏🏻 黑松露麵包蟹意大利飯($228) 原個蟹殻🦀上陣, 藏着炒得香口入味的意大利飯, 蘑菇和蟹肉等配料十足, 再拌入旁邊的黑松露醬,香味四溢,味道也很出色! 德國式燒咸豬手($228) 豬手外皮炸至香脆可口, 裏面的肉質保持鮮嫩多汁, 豬手肉可以蘸上旁邊用以調味的燒烤汁, 但其實不用蘸醬汁,豬手也已經夠晒入味! 除了豬手外,伴碟還有沙律、炸薯條, 薯條炸得很香脆,好好食!😋 餐飲有十多款凍熱可選擇, 我點了🍑Peach Iced Tea,清爽香甜, 是炎炎夏日的好選擇!☺️ 繼續閱讀
(以上食評乃用戶個人意見 , 並不代表OpenRice之觀點。)
優雅食好西 焦點食評
等級4 2017-09-28
687 瀏覽
搭友人去日本買野, 任務完成當然要約出黎交收啦, 為左答謝佢並預先同佢食生日飯, 訂好左呢間西餐廳係呢度食既好處就係晚餐有SET, 價錢唔算貴, 又唔駛點太花時間就可點餐, 一於每人一個特式晚餐!頭盤包括有2款沙律任擇, 點左凱撒沙律清新一下, 爽脆沙律菜配上香脆煙肉片加多士粒, 再灑上咸香芝士粉, 口感唔錯!友人唔多好"綠", 另加$58可升級至香煎法國鵝肝配焦糖酒醋藍莓, 香煎有一定厚度既鵝肝, 放少少焦糖酒醋藍莓調和一下, 香軟既鵝肝, 配埋脆多士一齊放入口, 鵝肝既油份係口腔內咇出黎, 然後又食到焦糖藍莓既甜味, 口感層次幾夾!頭盤食完就到湯出場, 另加$38可升級至呢2款餐湯: 黑松露菌忌廉湯 - 質感比較稠杰因有菌粒, 除增加香味仲有咬口感; 中間既黑松露為呢碗湯"賜予"獨有香味, 飲完都半飽!另一款為蟹肉南瓜忌廉湯 - 味道帶有濃香甜美南瓜味, 亦食到有南瓜絲, 加上蟹肉既鮮味, 較黑松露菌忌廉湯更易為人所接受!主菜要左呢客帶子黑松露野菌意大利飯 ($208), 份量夠二人分享, 意大利飯要煮得好食都幾花心思, 軟硬度要掌握得好, 呢客就做得唔錯, 每粒飯粒都夠索晒入味, 加上香滑黑松露忌廉汁及清甜露荀, 食起黎唔會太"膩"; 另外2粒厚身帶子, 表面略煎至香脆, 咬到入面仍然係半生, 好有口感又唔會變韌身!要照顧下"肉食類"友人, 點了呢客德國式燒咸豬手 ($238), 一大隻燒豬手伴薯條及沙律菜, 燒豬手燒得皮脆, 廚師已切成一件件方便客人進食, 豬手肉質燒完都唔會變成"肉乾", 味道亦唔會過咸; 另外想講係佢既薯條都好好味, 食落香脆唔油膩, 灑上鹽粒好味道, 全部被吃掉 餐飲係呢杯造型超可愛既 3D 貓咪同魚仔 Cappuccino, 真係多謝沖調者既心思, 有D唔係幾捨得飲, 但唔飲咪浪費左佢既功夫?!  呷一口先感受到香滑奶泡, 細意享受呢杯泡沬咖啡, 水準絶對係連鎖店之上, 仲要唔駛再另加錢就可享受到!  讚^^呢度真係要訂好位先好去, 眼見有D walk-in客都要踫壁, 可想而知呢間餐廳幾咁受人歡迎! 繼續閱讀
(以上食評乃用戶個人意見 , 並不代表OpenRice之觀點。)
等級4 2017-09-17
1153 瀏覽
從台北回港後,與朋友的飯局就是約不停,這晚約了好朋友到Mackie Kitchen吃飯兼分享我的台北之旅~玻璃外牆看到街景,昏暗的環境,柔和的燈光,氣氛挺浪漫的~記得要訂位,因為一定滿座!可見受歡迎程度!這裡有不同的Dinner set,有前菜,湯,主菜,一杯飲品。小食餐湯都可以加錢升級。先講講我們都點了什麼~大蝦占米多大大隻的虎蝦,已經起肉和切粒,吃得方便!有蘑菇粒,蝦膏醬汁,蝦肉爽口彈牙!香煎法國鵝肝配焦糖酒醋藍莓邪惡的鵝肝,幾厚身,外層煎到微微香脆,充滿油脂香氣,藍莓醬可減輕鵝肝的油膩感!黑松露菌忌廉湯黑松露味挺濃郁,很creamy!蟹肉南瓜忌廉湯湯裡面有絲絲蟹肉,很香的南瓜味,很滑的忌廉湯~黑松露麵包蟹意大利飯蟹殻內藏著creamy的意大利飯,還有黑松露可以撈飯吃,香氣撲鼻,飯粒不會好硬,好入味!德國式燒咸豬手這個會是我必食推介,豬手外皮燒至香脆,炸得香脆可口。豬手醃得很入味,還是十分嫩滑!肉都切件起了,方便進食!好開心好多薯條,而已每條都好香脆這個份量倒是大,喜歡吃肉的朋友不要錯過哦!最後還有餐飲!這裡的set dinner的確很不錯,難怪食客都那麼支持! 繼續閱讀
(以上食評乃用戶個人意見 , 並不代表OpenRice之觀點。)
性價比高生日飯 焦點食評
等級4 2017-09-05
1892 瀏覽
相識多年嘅好姊妹生日,想搵個環境好嘅地方同佢慶祝,平時放工已經成日同佢來銅鑼灣,今次特登book左位於加路連山道嘅阿麥廚房。由銅鑼灣站F1出口行過去都要大約10分鐘,雖然地點旺中帶靜,但係都好好生意,好彩事前有訂枱。餐廳門口裝修得好靚,入面燈光柔和,幾有格調,帶俾人好舒服嘅感覺。Set dinner包頭盤,湯,主菜同飲品,大家可以按個人口味upgrade湯同頭盤 。香煎法國鵝肝配焦糖酒醋草莓:鵝肝煎得甘香, 放係薄脆既麵包上食,好有層次感,配埋加左草莓既酒醋,味道相當夾,做法都好有創意。唯一美中不足既係伴碟既沙律唔夠汁,建議可以用柚子汁,味道出之餘仲好開胃。大蝦占米多:起左蝦肉切粒後既蝦身釀入蝦醬,洋蔥同蘑菇等等既調味料,非常惹味,蝦肉亦都爽口彈牙。黑松露菌忌廉湯:上檯時已噴出陣陣黑松露香味既忌廉湯,入口香滑而且濃郁,稀稠度剛剛好,入口有少量蘑菇碎,幾有口感,配埋又熱又脆既法包食,令人非常滿足。蟹肉南瓜忌廉湯:南瓜湯味道濃郁,入口好滑,加埋蟹肉,口感豐富,海鮮味相當鮮甜。帶子黑松露野菌意大利飯:意大利飯軟硬適中,吸收晒黑松露醬汁之後真係好香滑,令人食到停唔到口,帶子熟度亦都剛剛好,爽口彈牙,口感一流。德國式燒鹹豬手:份量驚人既燒鹹豬手,上檯時真係令我地哇一聲,因為除左巨型豬手之外仲有大量薯條同沙律。鹹豬手採用燒既方式炮製,豬皮燒得好香脆,內裡既肉咬口得黎都好鮮嫩,顏色呈嫩紅,配埋香濃既燒烤汁,味道相當吸引。伴碟既薯條亦都炸得香脆,沙律都好新鮮,不過個人認為可以轉做新薯同炒雜菜,一黎唔會同頭盤重覆,二黎感覺會健康d。食完晚餐後我地飲返杯檸茶同杏仁露,為我地既晚餐劃上句號。呢度食物同環境都唔錯,平均消費300 蚊鬆d, 地點旺中帶靜,適合約會中既男女,食飽過後可以慢慢散步返去地鐵站。 繼續閱讀
(以上食評乃用戶個人意見 , 並不代表OpenRice之觀點。)