300
44
19
港鐵銅鑼灣站 F1 出口, 步行約8分鐘 繼續閱讀
電話號碼
2808 0351
開飯介紹
阿麥書房的Cafe,提供各國小食、沙律、扒類及意粉,咖啡有不同口味選擇。 繼續閱讀
特色
飲o野傾計
營業時間
今日營業
12:00-22:00
星期一至日
12:00-22:00
付款方式
Visa Master 現金
其他資料
Wi-Fi
酒精飲品
泊車 詳細介紹
電話訂座 詳細介紹
加一服務費
室外座位
食評 (372)
等級4 2017-05-10
840 瀏覽
近日去左銅鑼灣利園附近,跟朋友開餐。餐廳位於加路連山道,整條街都有不同的餐廳,形形色色,今次去左呢間西餐廳用餐。餐廳門口以西式格調為主,內裡座位數目不多,座位之間卻有點狹窄,幸好氣氛不錯。我跟朋友點選了套餐,叫做Our Set Dinner:「香煎法國鵝肝配焦糖酒醋草莓+$58」、「大蝦占米多+$58」、「黑松露菌忌廉湯+$38」、「蟹肉南瓜忌廉湯+$38」、「黑松露麵包蟹意大利飯$228」、「德國式燒咸豬手$228」、「凍檸檬茶」。Our Set Dinner:「香煎法國鵝肝配焦糖酒醋草莓+$58」香煎法國鵝肝配底下有片法式麵包,配上焦糖酒醋草莓,食既時候沾上進食,開胃惹味,鵝肝入口不膩。另外仲有沙律菜配搭 ,健康清新。「大蝦占米多+$58」大隻既大蝦開邊,發現將蝦肉切件加入蝦膏蝦醬等調味料炒起,最後放回蝦殼內,味道惹味,蝦味完全帶出。「黑松露菌忌廉湯+$38」香濃的黑松露味道,每啖都有野菌既口感,味道剛好。配上牛油麵包食,麵包烘烤剛好,熱熱的。「蟹肉南瓜忌廉湯+$38」香濃稠稠的南瓜湯,整碗湯都有好多蟹肉,口感豐富,味道剛好,湯質軟滑。配上牛油麵包食,麵包烘烤剛好,熱熱的。「黑松露麵包蟹意大利飯$228」好豪氣既賣相,用上麵包蟹盛載住意大利飯,而意大利飯用上蟹肉等材料炒成,再拌混黑松露撈飯進食,味道口感提升。「德國式燒咸豬手$228」好豐富又量多既德國式燒咸豬手,外皮烤焗至脆身,內裡肉質嫩滑,味道剛好,不會過鹹。食時再配上薯條,味道不錯。「凍檸檬茶」不錯的味道,少少檸檬酸,仲有檸檬茶既澀澀地,有別於其他餐廳,飲落去似以真檸檬茶加檸檬製成。「餐牌」我已經影左上載至openrice既「餐牌」入面啦,方便大家查閱相關菜式。📋 繼續閱讀
(以上食評乃用戶個人意見 , 並不代表OpenRice之觀點。)
CP值高既西餐廳 焦點食評
等級4 2017-04-27
1871 瀏覽
要係銅鑼灣搵一間CP值高既西餐廳, 可謂話難唔難, 話易唔易, 但若要我"交出" 一間, 呢間應該會係其中之一店內環境唔算太寬敞, 燈光昏暗, 幾適合二人或小數朋友用餐好地方, 好多枱上已放置"留座"牌, 好彩我一早訂好位!晚餐時段設套餐, 包沙律, 餐湯, 主菜及飲品, 主菜選擇有9款, 價錢由百幾至二百幾, 算親民價錢!頭盤可另加$58升級至法國鵝肝配焦糖酒醋草莓, 另有陳醋沙律菜!一片有相當厚度既法國鵝肝, 底層有薄脆多士, 配以糖酒醋藍莓中和油膩感, 一咬香濃鵝肝油份係口腔爆發出黎, 配咬就食到酸甜藍莓味, 雙重味道!另一款大蝦占米多, 隻蝦果然係夠大隻, 起肉切粒煮香再放返上蝦殼上上碟, 味道偏濃味, 蝦肉夠爽口及蝦味濃郁, 可以伴食沙律菜沖一沖味蕾!食完頭盤就到熱湯出湯, 亦可加$38升級至:蟹肉南瓜忌廉湯, 完全食出甜美可口既南瓜味, 再繼而滲出絲絲蟹肉味, 喜歡清新感覺既友人表示滿意! 另一款為口味較重既黑松露菌忌廉湯, 熱辣辣上枱時已聞到好香黑松露味, 湯比起南瓜湯較為杰身, 飲落食到菌粒, 有少少咬口, 總括黎講好香黑松露菌味, 飲完都幾飽肚!主菜點選左呢款黑松露麵包蟹意大利飯 ($228), 將煮好既意大利飯"釀入"於麵包蟹蓋中, 亦設有一少碗黑松露伴食!意大利粉飯煮得軟硬度唔錯, 飯粒索晒湯汁而煮成, 再配以香滑忌廉汁, 每一啖都食到香滑感, 而飯內亦有蟹肉及菇菌等材料, 放少少黑松露於飯中, 香濃味倍增, 相當唔錯的一個意大利粉!肉食獸的我就偏愛呢款德國式燒咸豬手 ($228), 除左主角豬手外另有一藍炸薯條及少量陳醋沙律菜, 夠晒份量廚師已預先將咸豬手離骨, 等客人進餐時比較方便, 好細心呢! 豬皮食起黎比較煙韌, 食得人滿口膠質感, 即時諗起"骨膠原" (心心眼中), 而肉質算幾嫩滑, 味道又唔會過咸, 配以特製醬汁一齊食, 酸甜味道可減底膩感! 炸薯條亦炸得乾身, 好味!套餐包埋餐飲, 我點了呢杯外型非常趣緻既Cappuccino, 以奶泡做成既3D貓仔"浮"係杯咖啡上, 飲滿香滑無比, 水準拍得住專業咖啡店!設加一服務費, 侍應服務態度唔錯, 咁就造就左呢一餐美好既晚餐! 繼續閱讀
(以上食評乃用戶個人意見 , 並不代表OpenRice之觀點。)
環境舒服 焦點食評
等級4 2017-04-20
1180 瀏覽
兄弟們自從找到真愛之後,我們見面時間就愈來愈少了。今晚終於等到兄弟k 有空一起食飯,訴說一下最近狀況了。選擇了位於銅鑼灣利園後,老字號豬扒包旁邊的阿麥廚房吃晚餐。餐廳裝修以紫色為色調,營造浪漫情調,環境舒服寧靜,整間餐廳有70%是情侶,不會過份吵鬧喧嘩,很適合不喜歡吵鬧環境的人!主菜共有九款選擇,個人宗旨是「貴精不貴多,好味最重要」!加上,豬牛羊飯麵都有,總有一款適合你口胃。我自己就很滿意他們主菜的款式。飲品方面亦有專門餐牌,由Earl Grey 到普通奶茶咖啡都有,選擇豐富。前菜凱薩沙律,另加58元可有大蝦占米多個人特別推薦這個大蝦占米,蝦已蝦「起肉」,肉質爽口,配上沙律醬汁濃郁口。如果與沙律菜則鮮甜爽口,一次滿足兩種味覺享受。雜菜沙律配陳年醋汁新鮮汁多的沙律菜配以酸甜黑醋,面頭加上口感清甜的雪梨絲,與黑醋完美配合,酸中帶清甜,味道口感豐富。 蒜蓉包眼見沒有蒜蓉粒粒,但入口香脆,能吃出淡淡的牛油蒜蓉味道。黑松露菌忌廉湯入口帶點黑松露芳香,不會被香濃的忌廉掩蓋,口感細滑香濃。意大利雜菜湯這款湯啖啖濃郁的蕃茄味,質感較稀,但口味較濃,眼看雜菜有不同的捲心菜、紅蘿蔔、番茄等等。燒紐西蘭肉眼扒 medium rare肉眼扒厚度只屬一般,色澤帶微深紅,沒有過多油脂,低脂味鮮,嫩滑得來有嚼勁,牛味香醇。燒紐西蘭羊架對我來說,煮得剛剛好。羊架啖啖肉,入口細膩嫩滑化渣,肉香濃郁,香而不膩,唇齒留香,不帶膻味和腥味,喜歡吃羊但怕羊膻味的你,必試!在百物騰貴的香港,不用300元可以在銅鑼灣享受一個寧靜舒服的晚餐,個人覺得超值了。 繼續閱讀
(以上食評乃用戶個人意見 , 並不代表OpenRice之觀點。)
寧靜悠閒廚房 焦點食評
等級4 2017-04-01
4066 瀏覽
跟好朋友聚舊, 當然要揀一個坐得舒服又唔會趕著翻檯的餐廳. 加路連山道晚上較為寧靜, 誰知, 店內卻非常熱鬧Set Dinner當然離不開頭盤, 湯及主菜, 這裡的頭盤除了沙律外, 加$58可以升級, 跟友人不約以同地需要來一個升級, 那就各來一份一同享用頭盤法國鵝配焦糖酒醋藍莓, 主角鵝肝夠厚身, 煎得外脆內嫩, 充滿油香, 底層有一塊薄脆多士襯托減低油膩感, 酒醋甜甜帶一點酸, 旁邊一份沙律菜, 多一份清新大蝦占米多, 原以為跟多士有關係, 原來是把蝦肉取出, 再加以菇菌跟蝦肉煮熟後釀回大蝦殼內, 味道好出色, 蝦肉新鮮頭盤升級了當然餐湯也要升級黑松露菌忌廉湯, 內有大量野菌碎, 加上一點黑松露點綴, 令湯更加香主菜黑松露麵包蟹意大利飯, 用上麵包蟹蓋盛著意大利飯夠特別, 黑松露醬是分開上, 可以自行調較濃度, 意大利飯口感適中, 加上蟹肉菇類, 唔會太溜德國式燒咸豬手, 上檯時跟友人都震驚, 豬手份量大份得很, 還配上旁邊薯條及沙律菜, 豬手肉質煮得夠淋, 咸香惹味, 外層又脆又煙韌薯條都炸得好香脆最後來一杯餐飲, earl grey tea, 餐店選自Twinings茶包, 帶點佛手柑味的茶包, 幫助消化 繼續閱讀
(以上食評乃用戶個人意見 , 並不代表OpenRice之觀點。)
西餐 焦點食評
等級4 2017-03-31
2861 瀏覽
朋友o係銅鑼灣番工為左就佢同朋友來左呢間西餐廳晚餐上次食過唔錯, 所以今次帶朋友來一來近朋友,二來係好食每人叫一份set dinner前菜方面加$58可以 upgrade食香煎法國鵝肝配焦糖酒醋草莓 我叫左呢個朋友點左大蝦占多米餐湯有兩款:1)黑松露菌忌廉湯2)蟹肉南瓜忌廉湯main朋友鍾意食意大利飯佢叫左黑松露麵包蟹意大利飯而我就order左 BBQ烤辣味西班牙豬肋骨鵝肝入口即溶藍莓有醋味,食完相當開胃又唔太酸占米多已起蝦肉配料相當豐富,食落幾惹味呢度d湯真係好出色落得好足料,南瓜湯有好多蟹肉清新又美味黑松露餐湯味道相當香濃朋友超like未食已經比d黑松露味道吸引住豬肋骨味道唔錯,個醬汁唔會太多食落調味剛好不過肉質未算好「淋」唯一係呢part需改善其他野都好滿意d薯條份量都幾多炸得勁香口,食到唔想停不過熱氣,係咁叫朋友幫手食d朋友叫果個黑松露麵包蟹意大利飯 ($220)感覺幾特別,d意大利飯除左有黑松露香味,食落有蟹肉鮮味!感覺幾驚喜! 意大利飯口感控制得好好,唔會太硬,每一啖都好香,慢慢嗒真d係帶少少香甜!真係唔錯!~呢度野食唔錯,環境舒適,好適合同朋友吹水。 繼續閱讀
(以上食評乃用戶個人意見 , 並不代表OpenRice之觀點。)