一上到去地方好細只得4-5張台，唔多似有好野食，後期睇餐牌好似意料之外，貌似不錯。
最後我地點左個個都鍾意食乳鴿bb.,等左一陣上來，熱辣辣，外皮酥脆，入面爆汁，可以肯定係剛剛即做，味道好香，肉質方面好滑得來結實的那種，一人半隻之後完全滿足唔到我地，下次再來一定要每人一隻，推薦一定要試，價錢方面絕對對得起哩個價錢。
之後再上係晶瑩玉葡萄，上來賣相絕對一流，估了一下知道是冬瓜做成的一粒粒，但非常通透，一食絕對把我地對冬瓜的認識完全大翻身，好好味，軟綿綿，好入味，味道清清淡淡帶住濃冬瓜味。
燒汁薑蔥比目魚，魚塊方面炸到外脆內軟，再加薑蔥爆炒，而且最大特點，魚塊方面一點都不油，幹身，同個燒汁好搭配。
杞子海蔘浸事菜，最大特點就清淡，不油膩。
XO醬鮑魚雞粒炒飯，雖然是炒飯但一點都不油，入面鮑魚粒仲好爽脆，配上XO醬微辣脆肉瓜粒，好香，好味⋯⋯
吉列炸蝦，蝦日本甜蝦，外面包住炸粉鬆脆，入面蝦仲好軟滑，配上沙拉醬。
香草羊架，一上台就聞到好大羊肉味，係無錯哩個羊肉係有羊肉味的，喜歡吃羊一點要食，距還配上三款醬比我地選擇，薄荷，牛油紫薯，芥末，個人覺得紫薯不錯。
最後來個甜品：菊花豆腐，一上來，圖片同實物一樣，好靓哦，刀攻非常了得，睇到唔捨得食，淡淡姜糖水，配上嫩滑豆腐，只睇已經滿足。
總體：價錢大牌檔價錢，食物味道好，精品，賣相更加一流
