影片
更多
2007-06-17
20 瀏覽
都咪講笑,爹o地媽咪捱o左幾廿年,既然大家將d生日集埋個父親節一齊慶祝,梗係要揀間好地方啦!係已經俾o左心理準備,每位要五佰蚊以上o既情況下,大家叫o野食都開懷歡暢一點. 四個人share 三個頭盤. 有Raclette Cheese配新薯,牛頭肉沙律,香煎鵝肝. 芝士粉絲o既我同細佬,對於個melted cheese食到唔停得口. 牛頭肉沙律o既牛肉應該係做o左好似啫哩狀o既cold cut再薄片上,沙律都係d 新鮮沙律菜加香醋汁. 清新開胃之選. 一時唔記得問香煎鵝肝o既份量. 前菜size得一件,四個人應該share兩笿至夠. 因為... 好味到不得了! 爹o地媽咪話外皮又脆,裡面又滑,但因為個汁微微酸,所以一d 都唔膩!主菜叫o左傳統o既芝士火鍋,羊架,risotto. 傳統o既芝士火鍋雖帶點酒味,但仍然係我同細佬o既主攻項目. 最精彩o既係食到尾聲,支义仔唔覺意拮起o左個痴痴o地底o既烘芝士乾, 嘩! 好味到哩! 簡直係煲仔飯焦芝士版!羊架的確又淋又juicy,risotto唔係menu裡面,經理話冇問題,可以照做. 當然啦! 咁大間酒店,又有意大利餐廳,要另外做一客riso
係已經俾o左心理準備,每位要五佰蚊以上o既情況下,大家叫o野食都開懷歡暢一點.
四個人share 三個頭盤. 有Raclette Cheese配新薯,牛頭肉沙律,香煎鵝肝. 芝士粉絲o既我同細佬,對於個melted cheese食到唔停得口. 牛頭肉沙律o既牛肉應該係做o左好似啫哩狀o既cold cut再薄片上,沙律都係d 新鮮沙律菜加香醋汁. 清新開胃之選. 一時唔記得問香煎鵝肝o既份量. 前菜size得一件,四個人應該share兩笿至夠. 因為... 好味到不得了! 爹o地媽咪話外皮又脆,裡面又滑,但因為個汁微微酸,所以一d 都唔膩!
主菜叫o左傳統o既芝士火鍋,羊架,risotto. 傳統o既芝士火鍋雖帶點酒味,但仍然係我同細佬o既主攻項目. 最精彩o既係食到尾聲,支义仔唔覺意拮起o左個痴痴o地底o既烘芝士乾, 嘩! 好味到哩! 簡直係煲仔飯焦芝士版!
羊架的確又淋又juicy,risotto唔係menu裡面,經理話冇問題,可以照做. 當然啦! 咁大間酒店,又有意大利餐廳,要另外做一客risotto,多簡單.
連埋個Chocolate Chalet 同Petit Four, 都只不過$1400到埋單,媽咪都話抵!
差d唔記得一提o既係佢o地o既服務. 因為爹o地媽咪都唔識英文,經理會耐心咁介紹有咩食同埋個做法. 呢d先係五星級酒店o既服務嘛! 唔係淨識講英文先會serve 好d. 唔會令到佢o地唔自在! 藉得讚許!
張貼