一碗小麵 (已結業)

探好耐冇見既親戚而嚟到紅磡，唔太熟路所以見到佈置溫馨嘅小店就鐘入嚟試試。一睇餐牌原來係主食川菜麵食，雖然我唔係太食得辣，但見到都有啲流口水。叫左香辣牛肉麵同口水雞，牛肉麵湯底好濃，即使小辣都好麻辣！口水雞辣度就岩岩好，雞肉嫩滑。食完之後店員強烈推介冰粉，呢隻重慶甜品好似日本既寒天咁透明，面頭加左桂花同黑糖漿，所以食落好清新，咁鬼熱解暑一流！不過咁要 $20就有少少貴。全靠呢杯 $5任飲嘅菊花水我先冇辣死，淡淡地，好香花香。