72
28
11
港鐵黃埔站 B 出口, 步行約4分鐘 繼續閱讀
所有分店 (2)
電話號碼
23928377
營業時間
今日營業
11:30 - 22:00
星期一至日
11:30 - 22:00
付款方式
AlipayHK 支付寶 現金
座位數目
15
以上資料只供參考, 請與餐廳確認詳情
食評 (128)
等級2 2024-01-18
250 瀏覽
今日去咗紅磡,爬文後決定去一碗小麵試吓。一落嚟就放底咗杯水俾我慢慢睇。最後叫咗牛腩米線中辣,第一眼見到好大嘅一碗,就算我叫咗中辣都食到牛腩好腍滷水味好香,美中不足嘅係米線偏淋,麻味同埋辣味夠,同埋冇乜味精❤️,原本覺得佢淡淡地,食食吓發現哇🤤個湯底好正,對於我呢個長期食中麻辣米線嘅人嚟講,好難食到一個有辣味之餘仲品嘗到好有濃骨香冇味精湯底。原本舖頭得我一個客人,隨着客人越來越多見到老闆娘都係一碗一碗去煮🫡埋單嗰陣老闆娘問我好唔好食,我忍唔住同佢講個湯底好正你,多謝👍🏻建議大家下星期過去唔好匆匆忙忙咁樣食,認真品嚐下佢嘅湯底,食得出嘅用心。 繼續閱讀
(以上食評乃用戶個人意見 , 並不代表OpenRice之觀點。)
俾 [ Yvonne's noodle ➡️ 一碗小麵 ]有趣釋音吸引,行埋去門口先見到係川菜,即係主打辣野,唔好辣嘅我有少少卻步,但見到價錢同野食相都好吸引,同埋餐牌寫有得走辣所以照入。🌟 炸醬麵 $40唔食得辣但心郁郁叫左BB辣諗住頂到,點知黎到見到一片紅海咁,心知不妙,第一啖已經出事😝🥵 但老實講其實麵質好好,幾滑幾煙韌,好索到味,啲麻辣好到位,真係好麻🥲。聽到老闆娘(估計係)話今日啲辣椒特別辣,提醒人叫低一度,我心諗點解頭先唔提我嘅,不過其實BB辣再低就係走辣咁又真係無得再低🤣 另外有隻滷蛋,都ok嘅,正常發揮。題外話,老闆娘同店員都操純正普通話同廣東話,隨時switch😆 同埋有操純正普通話嘅客人(唔似遊客)入黎食,唔通呢啲真係好好好好正宗嘅四川辣所以咁辣?🥵🌶🌶🌶店仔細細,但有靚靚壁畫作裝飾。總括而言,性價比都高,又平又大碗,誠意推介俾鍾意食辣嘅人👍👍😃 繼續閱讀
(以上食評乃用戶個人意見 , 並不代表OpenRice之觀點。)
等級3 2023-02-16
432 瀏覽
📍 一碗小麵🥢至尊全牛麵 💰55 湯底好濃郁,麵好香好彈牙,但係食到尾有少少滯🫣真系全牛麵,好足料啊,有牛腩,牛肉,牛肚!!!!食到碗底,個碗都係成碗料😍😍🥢涼菜拼盤 💰48夫妻肺片,牛展,土豆絲,木耳(揀兩肉兩素)素菜正正常常,好爽口肉類嘅話量有啲少,同埋偏鹹十分推薦佢地嘅麵類,應該好難中伏!舖頭唔係好大,早啲去早啲有位啊😋 如果係學生記得同老闆講聲,有九折啊🥰 繼續閱讀
(以上食評乃用戶個人意見 , 並不代表OpenRice之觀點。)
等級1 2022-12-18
367 瀏覽
上次阿姐喺度嗰陣啲牛肉都算多,今次再去已經得返原本嘅一成,少得誇張,買咗佢嘅招牌牛肉麵,返到嚟好似飲鹽水咁樣,明明上次食香辣嘅,今次就唔知點解好似俾人整蠱咁,體驗勁差,仲要俾個男店員眼神掘住,感覺好差,絕對唔會再嚟,本身買咗兩碗牛肉麵返去比屋企人試,同佢哋講係寶藏餐廳,而家呢間已經唔係當時嘅寶藏餐廳,絕對係垃圾中嘅垃圾,唔會再幫襯 繼續閱讀
(以上食評乃用戶個人意見 , 並不代表OpenRice之觀點。)
等級2 2022-11-27
369 瀏覽
川味麵館,叫了招牌一碗小面,入面有豬手、豬大腸、牛肉,香辣可口,份量十足。仲叫左一碗牛雜麵,有牛肉牛肚,都係份量十足。味道都幾正宗,老闆娘話辣椒都係四川運過來,正宗四川味道,叫左BB辣,麵條彈牙,湯底香辣開胃,幾好食。餐廳地方比較窄,但環境企理,檯面都好乾淨,好多附近理工學生來食,前後左右都係講普通話。應該好多內地學生都好認可依間普通。老闆熱情有禮,麵條米飯免費任加!幾有人情味👍 繼續閱讀
(以上食評乃用戶個人意見 , 並不代表OpenRice之觀點。)